Hikayat Acèh

Hikayat lam sastra Acèh saboh karangan nyang rupajih meucaé, mubida ngon hikayat lam Bahsa Meulayu nyang beuntukjih calitra (Prosa). Tarèh hikayat di Acèh saban panyang ngon tarèh nanggroë Acèh. Meuhat nyang na keuneubah hikayat nibak masa dilèe di Acèh nakeuh bak masa Samudra Pasè nyang that meukeunong lagèe Hikayat Malém Diwa ngon Hikayat Putroë Néng. Di Bireuën geuthèe ngon Hikayat Raja Jeumpa Jak Seutot Lumpoë^[1].

Bak masa Acèh Darussalam meukeubôk geupuga prang di Seulat Malaka bak geulawan Portugéh masa nyan nakeuh geupeugot keunarang hikayat prang keu peubangkét seumangat ureuëng Acèh. Hikayat keuneubah masa nyan nakeuh lagèe: Hikayat Prang Peuringgi ngon Hikayat Malém Dagang^[2].

Na cit hikayat bahsa Acèh nyang geubalék bahsa nibak calitra bahsa aséng lagèe Hikayat Robinson Crusoe nyang geuteujeumah lam curak pantôn lé Teuku Manshôr Leupuëng bak awai abad keu-20.

1. Hikayat Prang Sabi
2. Hikayat Teungku di Meukék
3. Hikayat Raja-raja Pasai
4. Hikayat Putroë Néng
5. Hikayat Prang Peuringgi
6. Hikayat Prang Gompeuni
7. Hikayat Malem Diwa
8. Hikayat Malém Dagang
9. Hikayat Banta Beuransah
10. Hikayat Meudeuhak
11. Hikayat Prang Peuringgi
12. Hikayat Raja Jeumpa Jak Seutot Lumpoë

1. ^ Zulfadli Kawom, Memahami Hikayat Aceh,20 Mei 2012^{[hubông luwa maté]}
2. ^ Hikayat Malem Dagang, www.tanohaceh.com, 29 april