Ігар Іванавіч Марковіч

Ігар Іванавіч Марковіч
Старшыня Верхнядзвінскага раённага выканаўчага камітэта сакавік 2007 — 26 снежня 2019
Прэзідэнт	Аляксандр Лукашэнка
Папярэднік	Іосіф Мікалаевіч Палачанін
Пераемнік	Васіль Мікалаевіч Шылаў
Старшыня Полацкага раённага выканаўчага камітэта з 26 снежня 2019
Прэзідэнт	Аляксандр Лукашэнка
Кіраўнік урада	Сяргей Румас
Папярэднік	Мікалай Мікалаевіч Шаўчук
Нараджэнне	1960[1] Ніжняе Хаміно, Сар’янскі сельсавет, Дрысенскі раён, Віцебская вобласць, Беларуская ССР, СССР[1]
Адукацыя	Беларуская дзяржаўная сельскагаспадарчая акадэмія (1982)[1] Акадэмія кіравання пры Прэзідэнце Рэспублікі Беларусь (2009)[1]
Узнагароды	Грамата Патрыяршага экзарха ўсяе Беларусі[d]

Ігар Іванавіч Марковіч (нар. 1960, в. Ніжняе Хаміно, Верхнядзвінскі раён) — беларускі дзяржаўны дзеяч.

Нарадзіўся ў 1960 годзе ў вёсцы Ніжняе Хаміно Верхнядзвінскага раёна. Мае сястру, яна працуе настаўніцай рускай мовы. У дзяцінстве сярод захапленняў былі ровары і матацыклы^[2].

У 1982 годзе скончыў Беларускую сельскагаспадарчую акадэмію па спецыяльнасці «Механізацыя сельскай гаспадаркі». У 2009 годзе — Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне»^[3].

Працоўную дзейнасць пачаткаў у 1982 годзе ў саўгасе «Дрысенскі» Верхнядзвінскага раёна, дзе працаваў інжынерам-механікам, інжынерам па тэхніцы бяспекі і арганізацыі пажарнай аховы, загадчыкам майстэрняў, галоўным інжынерам. З 1987 па 1990 год — інструктар сельскагаспадарчага аддзела, затым інструктар арганізацыйнага аддзела Верхнядзвінскага райкама КПБ Віцебскай вобласці. У 1990 годзе ўзначаліў Верхнядзвінскае КУП па вытворча-тэхнічным абслугоўванні раённага аграпрамысловага аб’яднання Віцебскай вобласці, з 2003 года — гендырэктар ААТ «Верхнядзвінскі райаграсэрвіс»^[3].

У сакавіку 2007 года прызначаны старшынёй Верхнядзвінскага райвыканкама^[3]. Свой стыль кіраўніцтва называе «дэмакратычным»^[2].

26 снежня 2019 года прызначаны старшынёй Полацкага райвыканкама. Пасада кіраўніка Полацкага раёна стала вакантнай пасля таго, як былы старшыня Мікалай Шаўчук стаў дэпутатам Палаты прадстаўнікоў^[2].

Узнагароджаны граматай Патрыяршага Экзарха ўсяе Беларусі (2017)^[4].

Мае дваіх сыноў. Адзін з іх жыве ў Наваполацку, працуе юрыстам^[2].

• В должности председателя Полоцкого райисполкома утвердили Игоря Марковича 31.12.2019 Архівавана 15 студзеня 2020.