Ідэальныя незнаёмцы (фільм, 2016)

Ідэальныя незнаёмцы
Ідэальныя незнаёмцы;
	італ.: Perfetti sconosciuti
Жанры	кінакамедыя і драматычны фільм
Рэжысёр	Паала Джэнавезэ;
Прадзюсар	Marco Belardi[d];
Сцэнарысты	Паала Джэнавезэ; Paolo Costella[d]; Rolando Ravello[d]; Filippo Bologna[d]; Paola Mammini[d];
У галоўных; ролях	Giuseppe Battiston[d]; Anna Foglietta[d]; Marco Giallini[d]; Edoardo Leo[d]; Valerio Mastandrea[d]; Альба Рарвахер[d]; Kasia Smutniak[d];
Аператар	Fabrizio Lucci[d];
Кінакампанія	Medusa Film[d]
Працягласць	97 хв.
Зборы	21 000 000 $
Краіна	Італія;
Мова	італьянская мова
Год	11 лютага 2016 і 2016
IMDb	ID 4901306
Афіцыйны сайт (італ.)

«Ідэа́льныя незнаё́мцы» (італ.: Perfetti sconosciuti) — італьянскі камедыйна-драматычны фільм 2016 года рэжысёра Паала Джэнавезэ^[5]^[6]. Выйшаў у пракат у Італіі 11 лютага 2016 года^[6]. Кінастужка мела крытычны і камерцыйны поспех, атрымаўшы перамогу ў намінацыі найлепшы фільм прэміі Давід дзі Данатэла і сабраўшы ў Італіі больш за 16 мільёнаў еўра касавых збораў. Рымейк фільма быў зроблены ў шматлікіх краінах, у тым ліку ў Іспаніі, Мексіцы, Паўднёвай Карэі, Францыі, Венгрыі, Грэцыі, Кітаі, Расіі, Арменіі, Германіі, Польшчы, В’етнаме і Турцыі. 15 ліпеня 2019 года «Ідэальныя незнаёмцы» былі ўключаны ў кнігу рэкордаў Гінэса, паколькі сталі найбольш перазнятым фільмам у гісторыі кіно, у агульнай складанасці налічваючы 18 версій фільма^[7].

Сюжэт

Увечары месяцавага зацьмення сем блізкіх сяброў збіраюцца на вячэру. На пачатку вечарыны адна з сябровак, Эва, якая працуе псіхааналітыкам, кажа, што яна пераканана, што многія пары разлучыліся б, калі б убачылі паведамленні на тэлефонах адзін аднаго. Пакуль сябры абмяркоўваюць гэта сцвярджэнне, яны згаджаюцца, а некаторыя з іх неахвотна, паўдзельнічаць у такой гульні. Кожны з іх кладзе свой тэлефон на стол, і кожным паведамленнем ці тэлефанаваннем яны будуць дзяліцца з астатняй групай. Спачатку гульня здаецца бяскрыўднай. Нікому няма чаго хаваць.

Але паступова тэлефанаванні і паведамленні становяцца больш кампраметуючымі. З цягам часу выяўляецца, што амаль у кожнага ёсць раман ці нейкія рамантычна-сяброўскія адносіны з іншымі людзьмі, а адзін з сяброў, які прыкідваўся, што ў яго ёсць дзяўчына, выкрывае свае нетрадыцыйныя стасункі. З новымі паведамленнямі і тэлефанаваннямі сетка хлусні і сакрэтаў становіцца ўсё больш заблытанай і да канца ночы сяброўскія адносіны, шлюбы і раманы разбіваюцца ўшчэнт.

Калі госці выходзяць з кватэры, яны пачынаюць паводзіць сябе так, быццам нічога дрэннага не адбылося. Яны паводзяць сябе гэтак жа, як і на пачатку вечара, па-сяброўску ўсміхаючыся. Выяўляецца, што гульня не адбывалася, а ўвесь фільм ёсць прывідам на тэму «што, калі б», як быццам месяцавае зацьменне перанесла герояў у паралельную рэальнасць.