Іньяцыа Чэфалья

Іньяцыа Чэфалья
італ.: Ignazio Ceffalia
9-ы Апостальскі нунцый у Беларусі з 25 сакавіка 2025
Папярэднік	Антэ Ёзіч
тытулярны архібіскуп з 25 сакавіка 2025
Дыяцэзія	Fiorentino[d]
Папярэднік	Ângelo Ademir Mezzari[d]
Адукацыя	Папская Царкоўная Акадэмія
Дзейнасць	дыпламат, каталіцкі святар, каталіцкі біскуп
Нараджэнне	28 красавіка 1975(1975-04-28)[1] (50 гадоў) Палерма, правінцыя Палерма, Сіцылія, Італія

Іньяцыа Чэфалья (італ.: Ignazio Ceffalia; нар. 28 красавіка 1975(1975-04-28)^[1], Палерма) — каталіцкі арцыбіскуп, царкоўны дзеяч і дыпламат.

Нарадзіўся 25 красавіка 1975 года ў горадзе Палерма на востраве Сіцылія. Належыць да мясцовай італа-албанскай каталіцкай Царквы візантыйскага абраду.

Атрымаў святарскае пасвячэнне 6 жніўня 2003 года; інкардынаваны ў дыяцэзію П’яна-дэльі-Альбанезі. З’яўляецца доктарам кананічнага права.

Распачаў дыпламатычную службу ў Ватыкане 1 ліпеня 2006 года. Працаваў у Эквадоры, Тайландзе, Пастаянным Прадстаўніцтве Святога Пасаду пры Савеце Еўропы (Страсбур), у Секцыі адносін з дзяржавамі Дзяржаўнага сакратарыята Святога Пасаду і да прызначэння ў Беларусь — у Венесуэле. 25 сакавіка 2025 года прызначаны апостальскім нунцыем у Беларусі^[2].

Валодае італьянскай, албанскай, французскай, англійскай, іспанскай мовамі.