Ія Міхайлаўна Папова

Ія Міхайлаўна Папова
Дата нараджэння	15 мая 1924(1924-05-15) (101 год)
Месца нараджэння	Алматы, Верненскі павет[d], Сямірэчанская вобласць, Туркестанская АССР[d], РСФСР, СССР
Грамадзянства	Беларуская ССР
Альма-матар	Маскоўскі архітэктурны інстытут (1950)
Месца працы	Казгарбудпраект[d] Мінскпраект
Член у	Саюз архітэктараў СССР Беларускі саюз архітэктараў
Узнагароды

Ія Міхайлаўна Папова (нар. 15 мая 1924, г. Алма-Ата) — беларускі архітэктар.

Скончыла ў 1950 годзе Маскоўскі архітэктурны інстытут. 3 1950 года працавала ў інстытуце «Казгарбудпраект» у Алма-Аце. У 1966—1980 гадах у Мінску ў інстытуце «Мінскпраект» (з 1968 галоўны архітэктар праектаў)^[1].

Член Саюза архітэктараў СССР з 1957 года. Пражывала ў Мінску^[2].

Асноўныя работы: блок-секцыі і 9-павярховыя жылыя дамы серыі М-464, аднасекцыйныя 9-, 12-павярховыя (у далейшым 14-, 16-павярховыя)^[2] жылыя дамы ў мікрараёне Усход 1 (1968—1978, у сааўт.; прэмія СМ СССР 1978)^[1], у т.л. комплексы 9-, 16-павярховых жылых дамоў з установамі культбыту, 16-, 18-, 20-павярховых жылых дамоў з маналітнага аглапарытабетону^[2], жылыя дамы ў мікрараёне Ракаўская шаша 3^[1], дамы серыі М-111-90 для заводаў ККД, блок-секцыі серый М-464, М-111-90^[2], выкарыстаныя для забудовы раёнаў Серабранка 1, 2, 5, 6, 7, 3, 4 (усе 1975—1981, у сааўтарстве)^[1], вул. Някрасава, В. Харужай, Танкавай, Мельнікайтэ, Сурганава (1966—1980)^[2] у Мінску.

Прэмія Савета Міністраў СССР за распрацоўку праектаў і будаўніцтва буйнапанэльных жылых дамоў у Мінску (1978, у аўтарскім калектыве)^[2].

• Папова Ія Міхайлаўна // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
• Попова Ия Михайловна // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)