Абдула аль-Джанабі

Абдула аль-Джанабі
Абдула аль-Джанабі
Род дзейнасці	прапаведнік
Дата нараджэння	~1951
Грамадзянства	Ірак

Абдула аль-Джанабі (араб. عبد الله الجنابي‎; нар. 1951) — суніцкі іракскі духоўны лідар, член ІДІЛ. Раней з’яўляўся кіраўніком фалуджыйскага аддзялення арганізацыі «Дарадчы сход маджахедаў у Іраку»^[1].

Праславіўся тым, што ў 2004 годзе ўзначаліў абарону Фалуджы ад амерыканцаў. Першы штурм яму ўдалося адбіць, аднак у лістападзе 2004 года ён быў вымушаны пакінуць горад^[1]^[2].

У 2005 годзе новыя іракскія ўлады санкцыянавалі арышт Джанабі^[3].

Пасля падзення Фалуджы перад «Ісламскай дзяржавай Ірака і Леванта» і іншымі антыўрадавымі сіламі ў студзені 2014 года Джанабі вярнуўся ў горад і пачаў штотыдзень чытаць пропаведзі ў мячэці Саад Бэн Абі Вакас. Падчас яго пропаведзяў каля 200 баевікоў у масках на разрабаваных паліцэйскіх машынах ахоўвалі дарогу да мячэці, дзе вернікаў правяралі на наяўнасць зброі^[4]. Ён таксама распаўсюджваў улёткі, якія абвяшчалі аб стварэнні новага «Камітэта па заахвочванню дабрадзейнасці і прадухіленні заганы» для забеспячэння захавання яго строгага ісламскай кодэкса^[5].

У цяперашні час ён з’яўляецца прапаведнікам і членам «Шарыяцкага савета» ІДІЛ^[6].