Аджарская Аўтаномная Савецкая Сацыялістычная Рэспубліка

Аджарская Аўтаномная Савецкая Сацыялістычная Рэспубліка
Герб Сцяг
Краіна	СССР
Статус	АССР
Уваходзіць у	Грузінская ССР
Адміністрацыйны цэнтр	Батумі
Дата ўтварэння	1921—1990
Дата скасавання	1990

Аджарская Аўтаномная Савецкая Сацыялістычная Рэспубліка (груз. აჭარის ავტონომიური საბჭოთა სოციალისტური რესპუბლიკა) — адміністрацыйна-тэрытарыяльная адзінка ў складзе Грузінскай ССР, якая існавала ў 1921—1990 гадах. Сталіца — горад Батумі.

Была ўтворана як аўтаномія грузінаў-мусульман 16 чэрвеня 1921 года і першапачаткова называлася аўтаномная Сацыялістычная Савецкая Рэспубліка Аджарыстан. 5 снежня 1936 была перайменавана ў Аджарскую аўтаномную Савецкую Сацыялістычную Рэспубліку. У снежні 1990 года ператворана ў Аджарскую Аўтаномную Рэспубліку.

Адміністрацыйна ў канцы свайго існавання Аджарская АССР дзялілася на 5 раёнаў: Кедскі, Кабулецкі, Хелвачаурскі, Хулойскі і Шуахеўскі.

Першапачаткова Аджарская АССР была падзелена на 5 паветаў, якія дзяліліся на тэмі (воласці). У 1925 годзе Батумскі павет быў перайменаваны ў Чарохскі і адміністрацыйны падзел рэспублікі стаў выглядаць так:

Падчас адміністрацыйнай рэформы 1929—1930 гадоў паветы былі ператвораныя ў раёны, а іх колькасць зменшылася спачатку да 4 (Батумскі, Кедскі, Кабулецкі і Хулойскі)^[1], а потым да 3 (скасаваны Батумскі раён)^[2], неўзабаве, аднак, адноўлены. У 1934 годзе адміністрацыйны падзел Аджарыі выглядаў так^[3]:

• горад Батум
• Батумскі раён
• Кедскі раён
• Кабулецкі раён
• Хулінскі раён.

У 1952 годзе быў створаны пяты раён — Шуахеўскі.