Аксана Сяргееўна Маркарава

Аксана Сяргееўна Маркарава
укр.: Оксана Сергіївна Маркарова
міністр фінансаў Украіны[d] 7 чэрвеня 2018 — 4 сакавіка 2020
Папярэднік	Oleksandr Danylyuk[d]
Пераемнік	Ihor Umansky[d]
пасол Украіны ў ЗША[d] з 25 лютага 2021
Папярэднік	Уладзімір Юр'евіч Ельчанка[d]
Нараджэнне	28 кастрычніка 1976(1976-10-28) (48 гадоў) Роўна, Ровенская вобласць, УССР, СССР
Партыя	беспартыйны
Адукацыя	Нацыянальны ўніверсітэт «Кіева-Магілянская акадэмія» Індыянскі ўніверсітэт у Блумінгтане O'Neill School of Public and Environmental Affairs[d]
Месца працы	міністэрства фінансаў Украіны[d]
Узнагароды
Сайт	Афіцыйны сайт
Медыяфайлы на Вікісховішчы

Аксана Сяргееўна Маркарава (укр.: Оксана Сергіївна Маркарова; нар. 28 кастрычніка 1976, Роўна, УССР) — украінскі дзяржаўны дзеяч і фінансіст. Міністр фінансаў Украіны з 22 лістапада 2018 года па 4 сакавіка 2020 года ў кабінетах Уладзіміра Гройсмана і Аляксея Ганчарука. Член СНБА (з 31 мая 2019 па 4 сакавіка 2020)^[1]. З 25 лютага 2021 года пасол Украіны ў ЗША.

Нарадзілася ў армяна-украінскай сям’і. Сваю першую адукацыю атрымала ў Кіева-Магілянскай акадэміі, дзе стала магістрам экалагічных навук. Затым вучылася ў Індыянскім універсітэце ў Блумінгтане, ЗША, там жа атрымала ступень магістра ў галіне міжнародных публічных фінансаў і гандлю.

З 1998 па 1999 і з 2001 па 2003 годы займала пасады саветніка па эканамічнай палітыцы і менеджара па знешніх і карпаратыўных сувязях у амерыканскім фондзе прамых інвестыцый Western NIS Enterprise Fund (цяпер ва ўпраўленні Horizon Capital), а ў 2000 годзе праходзіла практыку ў Сусветным банку.

З сакавіка 2015 па красавік 2016 года займала пасаду намесніка міністра — кіраўніка апарата Міністэрства фінансаў Украіны.

29 красавіка 2016 года ў новым урадзе была прызначана на пасаду першага намесніка міністра фінансаў Украіны^[2].

8 чэрвеня 2018 года, у сувязі са звальненнем Аляксандра Данілюка^[3], была прызначана выконваючай абавязкі міністра фінансаў Украіны^[4][5].

22 лістапада 2018 года была зацверджана на пасадзе міністра фінансаў Украіны^[6]. Захавала сваю пасаду ва ўрадзе Аляксея Ганчарука.

4 сакавіка 2020 года Пастановай Вярхоўнай рады была адпраўлена ў адстаўку разам з большай часткай урада^[7].

25 лютага 2021 года прэзідэнт Уладзімір Зяленскі прызначыў Аксану Маркараву надзвычайным і паўнамоцным паслом Украіны ў ЗША^[8].

У 2021 годзе Аксана Маркарава ўвайшла ў топ-100 паспяховых жанчын Украіны па версіі часопіса «Новое Время»^[9].

Замужам. Муж — банкір і бізнесмен Данііл Валынец. У сям’і чацвёра дзяцей.

• На Вікісховішчы ёсць медыяфайлы па тэме Аксана Маркарава
• Біяграфія Аксаны Маркаравай на сайце ўрадавага ўпаўнаважанага па пытаннях інвестыцый
• Біяграфія Аксаны Маркаравай Архівавана 12 чэрвеня 2018. на сайце Міністэрства фінансаў Украіны
• Біяграфія Аксаны Маркаравай на сайце Фундацыі развіцця рынку капіталу