Аляксандра Дзмітрыеўна Ганапольская

Аляксандра Дзмітрыеўна Ганапольская
Аляксандра Дзмітрыеўна Ганапольская
Асноўная інфармацыя
Дата нараджэння	2001
Месца нараджэння	Жытомір, Жытомірская вобласць, Украіна;
Краіна	Украіна;
Музычная дзейнасць
Прафесіі	спявачка, аўтар
	Медыяфайлы на Вікісховішчы

Аляксандра Дзмітрыеўна^[1] Ганапольская (укр.: Олександра Дмитрівна Ганапольська; нар. 2001^[2], Жытомір, Жытомірская вобласць, Украіна) — украінская спявачка, аўтар і выканаўца ўласных песень, салістка і сузаснавальніца гурта «Tember Blanche» (2020), удзельніца шоу талентаў «Голас краіны» (2021).

Біяграфія

Аляксандра Ганапольская нарадзілася ў 2001 годзе ў Жытоміры.

Спявам займаецца з дзяцінства^[3].

Скончыла Інстытут журналістыкі Кіеўскага нацыянальнага ўніверсітэта імя Тараса Шаўчэнкі (2022)^[4]^[3].

24 ліпеня 2019 года Аляксандра сустрэла Уладзіслава Лагоду падчас яго выступу і папрасіла яго праспяваць песню. Так яны пазнаёміліся, а ўжо ў верасні пачалі сустракацца. У 2020 годзе яны стварылі гурт «Tember Blanche»^[3].

У лютым 2021 года стала ўдзельніцай «Голасу краіны», трапіла ў каманду Monatika. Ролік з выступам Аляксандры па стане на 29 кастрычніка 2022 года набраў каля паўмільёна праглядаў^[2]. Пасля яна выбыла на стадыі баёў^[5].

У 2021 годзе выйшла яе аўтарская песня «Вечорниці», якая па стане на 29 кастрычніка 2022 года мае больш за 1 мільён праглядаў на YouTube-канале гурта^[6]. У далейшым у выніку творчага тандэму гуртоў «Калуш» і «Tember Blanche» кампазіцыя атрымала новую назву і гучанне, а кліп «Калуські вечорниці» набраў больш за 10 мільёнаў праглядаў^[7] і трапіў у трэнды YouTube^[8].

У 2022 годзе ў якасці салісткі гурта «Tember Blanche» стала фіналісткай нацыянальнага адбору песеннага конкурсу «Еўрабачанне 2023»^[9].

Была вулічнай музыканткай^[10].