Аляксандр Іванавіч Церахаў

Аляксандр Іванавіч Церахаў
Аляксандр Іванавіч Церахаў
Асабістыя звесткі
Дата нараджэння	27 верасня 1951 (73 гады)
Месца нараджэння	Галубоўка, Бяседавіцкі сельсавет, Хоцімскі раён, Магілёўская вобласць, БССР, СССР;
Альма-матар	Магілёўскае ГПТВ будаўнікоў № 36[d]; факультэт журналістыкі БДУ;
Месца працы	Прыдняпроўская ніва[d]; Магілёўскія ведамасці;
Прафесійная дзейнасць
Род дзейнасці	празаік
Узнагароды	Літаратурная прэмія імя Івана Чыгрынава[d]

Аляксандр Іванавіч Церахаў (нар. 27 верасня 1951, в. Галубоўка, Хоцімскі раён) — беларускі празаік.

Біяграфія

Нарадзіўся 27 верасня 1951 года ў вёсцы Галубоўка Хоцімскага раёна^[1].

Скончыў Магілёўскае ГПТВ будаўнікоў № 36, факультэт журналістыкі Беларускага дзяржаўнага ўніверсітэта^[1].

Працаваў у г. Цеміртаў (Казахская ССР) мулярам, слесарам, трубаўкладчыкам, шафёрам, маляром, мастаком-афарміцелем^[1].

З 1981 года — карэспандэнт Магілёўскай раённай газеты. З 1994 года спецыяльны карэспандэнт інфармацыйнага агенцтва «Магілёўскія ведамасці»^[1].

Член Магілёўскага абласнога аддзялення праўладнага Саюза пісьменнікаў Беларусі^[2]. Працаваў галоўным спецыялістам Магілёўскага абласнога аддзялення Саюза пісьменнікаў Беларусі, уваходзіў у савет абласнога аддзялення саюза, узначальваў літаратурнае аб’яднанне пры газеце «Магілёўскія ведамасці»^[1].

Жыве ў Магілёве^[1].

Творчасць

Яго апавяданні былі апублікаваны ў рэспубліканскім перыядычным друку. Аўтар літаратурных артыкулаў, зборніка апавяданняў «Святая памяць» (2007), вершаў^[1].