Аляксандр Аляксеевіч Сазановіч

Аляксандр Аляксеевіч Сазановіч
Аляксандр Аляксеевіч Сазановіч
Род дзейнасці	будаўнік, кіраўнік
Дата нараджэння	20 сакавіка 1949 (76 гадоў) ці 1 лютага 1949 (76 гадоў)
Месца нараджэння	Селішча, Гарадзечненскі сельсавет, Навагрудскі раён, Баранавіцкая вобласць, Беларуская ССР, СССР;
Альма-матар	Беларуская дзяржаўная сельскагаспадарчая акадэмія;
Узнагароды і прэміі	;

Аляксандр Аляксеевіч Сазановіч (нар. 1949) — беларускі гаспадарчы дзеяч. Заслужаны будаўнік Рэспублікі Беларусь (2009), Ганаровы грамадзянін г. Ашмяны (2014)^[1].

Біяграфія

Нарадзіўся ў вясковай сям’і 1 лютага, але ў метрыцы праз абставіны запісалі 20 сакавіка^[1].

Скончыўшы школу, паступіў у Горацкую сельскагаспадарчую акадэмію на факультэт гідрамеліярацыі^[1].

З 1967 года працаваў у Навагрудскім міжраённым упраўленні асушальных сістэм: гідратэхнікам, інжынерам, начальнікам участка, галоўным інжынерам^[1].

Праз некаторы час Сазановічу прапанавалі ўзначаліць Ашмянскае міжгаспадарчае ўпраўленне асушальных і арашальных сістэм, якое з адстаючых ператварылася ў перадавое: пачало перамагаць не толькі ў абласным і рэспубліканскім, але і ва Усесаюзным сацыялістычным спаборніцтве^[1].

У 1986 годзе ён узначаліў МПМК-77 у Ашмянах^[1].

Аб’екты, пабудаваныя пад кіраўніцтвам А. Сазановіча

ААТ «Будаўнік», якое ўзначальвае А. Сазановіч, узводзіла жылыя дамы ў мікрараёнах квартал Будаўнікоў, Заходні, па вул. Барунскай, фізкультурна-аздараўленчы комплекс, Дом правасуддзя, дзіцячыя сады, магазіны ў Ашмянах, жыллё і фермы — на вёсцы. Таксама пабудаваны дзясяткі заправачных станцый пад Мінскам, аб’екты Беларускай АЭС, пагранічная камендатура ў Гудагаі і будынак пагранзаставы ў Лошы, транспартна-лагістычны цэнтр у Каменным Логу, аквапарк і парк забаў Dreamland у Мінску, жылы пасёлак для ваеннаслужачых у Ваўкавыскім раёне. Працавалі ашмянцы і за межамі Беларусі, на тэрыторыі Расійскай Федэрацыі. Узводзілі аб’екты ў Смаленску, Мажайску, Гагарыне^[1].