Аляксандр Пятровіч Яцына

Аляксандр Пятровіч Яцына (нар. 9 красавіка 1984) — беларускі ліхенолаг, міколаг, вучоны ў галіне біялагічнай разнастайнасці і аховы лішайнікаў і грыбоў. Кандыдат біялагічных навук (2015).

Скончыў у 2007 годзе Беларускі дзяржаўны ўніверсітэт. У 2009-2011 гадах навучаўся ў аспірантуры Інстытута эксперыментальнай батанікі імя В. Ф. Купрэвіча НАН Беларусі, з 2011 года супрацоўнік лабараторыі мікалогіі, вядучы навуковы супрацоўнік з 2019 года. З 2024 года загадчык кафедры батанікі біялагічнага факультэта БДУ.

Аўтар прац па пытаннях біялагічнай разнастайнасці, аховы і сістэматыкі лішайнікаў. Аўтар больш як 170 навуковых прац, у т. л. манаграфій, вучэбных дапаможнікаў, нарысаў у Чырвонай кнізе Рэспублікі Беларусь, артыкулаў у нацыянальных і замежных выданнях, энцыклапедыях і інш.