Аляксандр Сакселін

Аляксандр Сакселін
Род дзейнасці	артыст балета, балетмайстар, балетны педагог
Дата нараджэння	29 жніўня 1899(1899-08-29)
Месца нараджэння	Выбарг, Выбаргская губерня[d], Вялікае Княства Фінляндскае, Расійская імперыя
Дата смерці	9 кастрычніка 1959(1959-10-09) (60 гадоў)
Месца смерці	Хельсінкі, Нюландская губерня[d], Фінляндыя
Месца пахавання	St. Nicholas parish cemetery[d]
Грамадзянства	Фінляндыя
Альма-матар	Акадэмія рускага балета імя А. Я. Ваганавай
Узнагароды і прэміі

Аляксандр «Алекс» Сакселін (фінск.: Alexander "Alex" Saxelin; 29 жніўня 1899, Выбарг — 9 кастрычніка 1959, Хельсінкі) — фінскі балетмайстар, харэограф і педагог Фінскага нацыянальнага балета; з 1930-х па 1940-я гады — адзін з самых вядомых артыстаў балета Фінляндыі.

Нарадзіўся 29 жніўня 1899 года ў Выбарзе.

З 1910 па 1919 год навучаўся на балетным аддзяленні выканальніцкага факультэта Пецярбургскага тэатральнага вучылішча (з 1918 года — Петраградскае тэатральнае вучылішча пры Наркамасветы РСФСР). Па заканчэнні вучылішча ў 1921 годзе вярнуўся ў Выбарг, а ў 1922 годзе быў запрошаны ў балетную трупу Фінскага нацыянальнага балета.

У 1922 годзе ў Хельсінкі пачаў кар’еру як выкладчык балетнага мастацтва, адначасова дапамагаючы ўдасканальваць балетнае майстэрства артыстам з розных краін Еўропы. Дапамагаў у харэаграфіі К. М. Гаравой і яе мужу І. М. Кірэеву, якія пераехалі пазней у ЗША і заснавалі сваю балетную школу, а таксама балерынам Марыі Пайчовай і Ір’е Хагфорс.

У 1935 годзе быў абраны балетмайстрам Фінскага нацыянальнага балета і заставаўся на гэтай пасадзе да 1954 года.

У 1948 годзе быў узнагароджаны найвышэйшай дзяржаўнай узнагародай Фінляндыі для дзеячаў мастацтваў — медалём «Pro Finlandia».

Памёр 9 кастрычніка 1959 года і пахаваны на Мікольскіх праваслаўных могілках у Хельсінкі.