Анатоль Леанідавіч Мельнікаў

Анатоль Леанідавіч Мельнікаў (нар. 10 сакавіка 1955, Магілёў) — беларускі пісьменнік.

Нарадзіўся і вырас у Магілёве. Скончыў Кіеўскі інстытут інжынераў грамадзянскай авіяцыі, Маскоўскі літаратурны інстытут імя М. Горкага, 2-х гадавую школу рэжысёраў-аператараў, прайшоў творчы конкурс на Вышэйшыя рэжысёрскія курсы Дзяржкіно СССР, але іх не скончыў па аб’ектыўных прычынах^[1].

Працаваў інжынерам у аэрапорце, майстрам на заводзе, канструктарам у адмысловым праектна-канструктарскім бюро, экскурсаводам, рэжысёрам Народнай кінастудыі, дырэктарам Дома культуры, рэдактарам тэлебачання і радыё, карэспандэнтам рэспубліканскай газеты, выкладчыкам курсу журналістыкі друкаваных і электронных СМІ ў універсітэце, кіраўніком прэс-цэнтра^[1], галоўным спецыялістам упраўлення ідэалагічнай працы Магілёўскага аблвыканкама. Цяпер з’яўляецца тэлевядучым праграмы «Час АРТ» тэлерадыёкампаніі «Магілёў»^[2].

Член Магілёўскага абласнога аддзялення праўладнага Саюза пісьменнікаў Беларусі^[3].

Станам на 2024 год жыве і працуе ў Магілёве^[1].

Аўтар рамана «Фагги». Апавяданні публікаваліся ў абласным зборніку Саюза пісьменнікаў, у перыядычным прэсе. Зняў аўтарскі дакументальны фільм «Загінулыя хлусні не прымаюць». Шэраг апавяданняў апублікаваны ў часопісе «Нёман». Публікуе апавяданні і навелы на Facebook^[1].

• «Избранное» (Масква, 2000)
• «Фагги» (Магілёў, 2010)
• «Фотографические приключения Тимофея Плёнкина» (Мінск, 2022)