Андрэй Сямёнавіч Пешчанка

Андрэй Сямёнавіч Пешчанка
Андрэй Сямёнавіч Пешчанка
Дата нараджэння	6 снежня 1921
Месца нараджэння	Віцебск, Віцебская губерня, РСФСР;
Дата смерці	27 студзеня 2006 (84 гады)
Месца смерці	Мінск, Беларусь;
Месца пахавання	Усходнія могілкі;
Альма-матар	Чарнігаўскае вышэйшае ваеннае авіяцыйнае вучылішча лётчыкаў[d];
Грамадзянства	СССР; Беларусь;
Прыналежнасць	СССР
Званне	Палкоўнік ВПС СССР
Бітвы/войны	Вялікая Айчынная вайна;
	Ордэн «За службу Радзіме» III ступені

Андрэ́й Сямёнавіч Пе́шчанка (нар. 6 снежня 1921, г. Віцебск — 27 студзеня 2006, Мінск) — удзельнік Вялікай Айчыннай вайны, камандзір звяна 451-га штурмавога авіяцыйнага палка 264-й штурмавой авіядывізіі (5-я паветраная армія). Герой Савецкага Саюза (1946).

Біяграфія

Да вайны працаваў у майстэрнях Віцебскага палітэхнікума і на заводзе імя Кірава ў Віцебску. У 1941 годзе скончыў Віцебскі аэраклуб. У Чырвонай Арміі з 1941 года. Скончыў Чарнігаўскую ваенную авіяцыйную школу пілотаў (1942). У Вялікую Айчынную вайну з 1943 г. на 1-м і 2-м Украінскіх франтах, удзельнік вызвалення Украіны, Польшчы, Румыніі, Венгрыі, Аўстрыі, Чэхаславакіі. Камандзір звяна штурмавога авіяпалка лейтэнант А. С. Пешчанка зрабіў 150 баявых вылетаў. Званне Героя Савецкага Саюза прысвоена 15.05.1946 г. (медаль № 9062).

Пасля вайны да 1962 года А. С. Пешчанка служыў у Савецкай Арміі, у 1951 годзе скончыў Вышэйшыя лётна-тактычныя курсы ўдасканалення лётнага саставу. Звольніўся ў запас у званні палкоўніка. Да 1991 г. на гаспадарчай рабоце (працаваў у Мінску на заводзе ЭВМ).

Памёр 27 студзеня 2006 г. Пахаваны на Усходніх могілках у Мінску.

Узнагароды

Указам Прэзідэнта Рэспублікі Беларусь ад 15 красавіка 1999 г. № 217 узнагароджаны ордэнам «За службу Радзіме» 3-й ступені^[1].

Зноскі

↑ Указ Президента Республики Беларусь от 15 апреля 1999 г. № 217 «О награждении Героев Советского Союза и полных кавалеров ордена Славы орденом „За службу Родине“ II и III степени» (руск.)

Літаратура

Пешчанка Андрэй Сямёнавіч // Беларуская энцыклапедыя: У 18 т. Т. 12: Палікрат — Праметэй / Рэдкал.: Г. П. Пашкоў і інш. — Мн. : БелЭн, 2001. — Т. 12. — С. 343—344. — 10 000 экз. — ISBN 985-11-0035-8. — ISBN 985-11-0198-2 (т. 12).
Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.
Пешчанка Андрэй Сямёнавіч // Энцыклапедыя гісторыі Беларусі. У 6 т. Т. 5: М — Пуд / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 1999. — 592 с. — 10 000 экз. — ISBN 985-11-0141-9.