Апалацкі дзяржаўны ўніверсітэт

Апалацкі дзяржаўны ўніверсітэт
англ.: Appalachian State University
Арыгінальная назва	англ.: Appalachian State University
Заснаваны	1899
Студэнты	20 023[1]
Краіна	ЗША
Размяшчэнне	Бун, Паўночная Караліна, ЗША
Сайт	appstate.edu
Медыяфайлы на Вікісховішчы

Апалацкі дзяржаўны ўніверсітэт (англ.: Appalachian State University) — амерыканская дзяржаўная вышэйшая навучальная ўстанова са статусам універсітэта, якая месціцца ў горадзе Бун у штаце Паўночная Караліна.

Заснаваны як педагагічны каледж у 1899 годзе, універсітэце сёння прапануе больш за 150 праграм на атрыманне ступені бакалаўра і 70 праграм паслядыпломнай адукацыі, у тым ліку дзве праграмы аспірантуры.

Назва вучэльні паходзіць ад Апалацкіх гор. Размешчаны на хрыбце Блу-Рыдж на паўночным захадзе штата, Апалацкі дзяржаўны ўніверсітэт з'яўляецца адным з самых высакагорных сярод усіх універсітэтаў ЗША на ўсход ад ракі Місісіпі з вышынёю ў 1016 метраў.

Галоўны кампус універсітэта знаходзіцца ў цэнтры горада Бун, насельніцтва якога амаль такое ж, як і колькасць студэнтаў ва ўніверсітэце — каля 20 тыс. Кампус ахоплівае 5,3 км2, у тым ліку галоўны кампус плошчай 1,7 км2 з 20 інтэрнатамі, 3 сталовымі, 30 навучальнымі будынкамі і 11 рэкрэацыйнымі і спартыўнымі аб'ектамі.

• Каледж мастацтваў і навук
• Каледж выяўленчага і прыкладнога мастацтва
• Каледж навук пра здароўе
• Школа музыкі
• Каледж адукацыі
• Каледж бізнесу
• Школа аспірантуры
• Ганаровы каледж

• Спіс універсітэтаў штата Паўночная Караліна

• На Вікісховішчы ёсць медыяфайлы па тэме Апалацкі дзяржаўны ўніверсітэт
• Афіцыйная інтэрнэт-старонка ўстановы