Аркадзь Ханонавіч Шкляр

Аркадзь Ханонавіч Шкляр (1 снежня 1949, Мінск) — беларускі вучоны ў галіне педагогікі. Доктар педагагічных навук, прафесар.

Скончыў Беларускі політэхнічны інстытут у 1972 г. З 1974 г. у сістэме прафесійна-тэхнічнай адукацыі (майстар вытворчага навучання, намеснік дырэктара, дырэктар ПТВ, Мінскага вышэйшага тэхнічнага вучылішча). З 1992 г. рэктар Рэспубліканскага інстытута прафесійнай адукацыі.

Навуковыя працы пра праблемах бесперапыннай прафесійнай адукацыі, тэорыі i методыкі вытворчага навучання ва ўмовах шматузроўневай падрыхтоўкі. Распрацаваў комплексную сістэму падрыхтоўкі кадраў па схеме «ПТВ — тэхнікум — ВНУ», якая пакладзена ў аснову стварэння інтэграваных шматузроўневых навучальных устаноў бесперапыннай прафесійнай адукацыі ў краінах СНД.

• Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17). — С.428.