Арсеній Мікалаевіч Выскварка

Арсеній Мікалаевіч Выскварка
Дата нараджэння	28 чэрвеня 1924(1924-06-28)
Месца нараджэння	Блеўчыцы, Слуцкі павет, БССР, СССР
Дата смерці	невядома
Грамадзянства	СССР
Узнагароды і прэміі

Арсеній Мікалаевіч Выскварка (26 чэрвеня 1924, в. Блеўчыцы, Капыльскі раён) — Герой Сацыялістычнай Працы (1973)^[1]. Удзельнік Вялікай Айчыннай вайны^[1].

З 1949 шафёр Цімкавіцкай МТС, з 1951 трактарыст-камбайнёр Чыжэвіцкай МТС, з 1958 камбайнёр калхоза імя Ціміразева Капыльскага раёна^[1]. У 1972-м скончыў Быстрыцкую вячэрнюю школу, атрымаў сярэднюю адукацыю.

Узнагароджаны ордэнамі Леніна ў 1966 годзе па выніках выканання сямігадовага плана. У 1973 годзе за поспехі, дасягнутыя ў выкананні пяцігадовага плана і сацыялістычных абавязацельстваў па павелічэнні вытворчасці прадукцыі раслінаводства А. М. Выскварку Указам Прэзідыума Вярхоўнага Савета СССР прысвоена званне Героя Сацыялістычнай Працы з уручэннем яму ордэна Леніна і залатога медаля «Серп і Молат»^[1].