Астра стэпавая

	Астра стэпавая
Навуковая класіфікацыя
Дамен:	Эўкарыёты
Царства:	Расліны
Аддзел:	Кветкавыя
Клас:	Двухдольныя
Парадак:	Астракветныя
Сямейства:	Астравыя
Падсямейства:	Астравыя
Трыба:	Astereae
Род:	Астра
Від:	Астра стэпавая
Міжнародная навуковая назва
	Aster amellus L., 1753
Сінонімы
	Amellus officinalis Gaterau; Amellus vulgaris Opiz; Aster acmellus Pall.; Aster albus Willd. ex Spreng.; Aster amelloides Hoffm.; Aster amelloides Besser; Aster atticus Pall.; Aster bessarabicus Bernh. ex Rchb.; Aster collinus Salisb.; Aster elegans Nees; Aster noeanus Sch.Bip. ex Nyman; Aster ottomanum Velen.; Aster pseudamellus Wender.; Aster pseudoamellus DC.; Aster purpureus Gueldenst. ex Ledeb.; Aster scepusiensis Kit. ex Kanitz; Aster scepusiensis Kit.; Aster tinctorius Wallr.; Aster trinervius Nom. inval.; Diplopappus asperrimus (Nees) DC.; Diplopappus laxus Benth.; Galatella asperrima Nees; Kalimares amellus (L.) Raf. ex B.D.Jacks.;
ITIS	780205
NCBI	72897
EOL	6177436
GRIN	t:5618
IPNI	180609-1
TPL	gcc-6220

Астра стэпавая, Астра дзікая^[1] (Aster amellus) — кветкавая травяністая расліна сямейства астравых.

Батанічнае апісанне


Батанічная ілюстрацыя Якаба Штурма з кнігі «Deutschlands Flora in Abbildungen», 1796

Шматгадовая травяністая расліна вышынёй 20-60 см са слаба галінастым у суквецці сцяблом і кароткім тоўстым карэнішчам. Сцябло звычайна каротка валасістае або голае, па ўсёй даўжыні аблісцелае. Лісце зваротнаяйкападобнае, лапатчатае, шурпатае, прытупленае (сярэднія і верхнія з вастрыём на верхавінцы), па краі цэльнае або часам расстаўлена-шыроказубчастае з 3 выразнымі жылкамі. Кошыкі даволі буйныя, дыяметрам 3-5 см, сабраны ў простую шчыткападобную мяцёлку. Абгортка шырокая, паўшарападобная, чарапіцавая; яе лісцікі шурпатыя, зялёныя, па краях з раснічкамі. Язычковыя кветкі ўдвая перавышаюць абгортку, лінейна-ланцэтныя, фіялетавыя або блакітныя. Кветкі дыска трубчастыя, жоўтыя. Плод — густаваласістая сціснутая сямянка з белым чубком.

Пашырэнне

Рэліктавы еўрапейскі лесастэпавы від, у Беларусі знаходзіцца ў ізаляваных астраўных месцах росту і лакалітэтах за паўночнай мяжой арэала. Месцы росту: маладыя сасновыя і дубова-сасновыя мшыстыя лясы, лясныя паляны і ўзлескі, сухадольныя лугавіны і хмызнякі.