Астровенскае

Астровенскае
возера Астровенскае
Морфаметрыя
Даўжыня	2,9 км
Шырыня	0,93 км
Плошча	1,33 км²
Аб’ём	0,00304 км³
Даўжыня берагавой лініі	8,5 км
Найбольшая глыбіня	4,2 м
Сярэдняя глыбіня	2,3 м
Гідралогія
Салёнасць	да 0,25 ‰
Празрыстасць	2,7 м
Басейн
Плошча вадазбору	174 км²
Упадаюць	5 ручаёў
Выцякаюць	Чарнагосніца
Размяшчэнне
Краіна	Беларусь
Рэгіён	Віцебская вобласць
Астровенскае
Астровенскае
Медыяфайлы на Вікісховішчы

Астровенскае — возера ў Бешанковіцкім раёне Віцебскай вобласці Беларусі ў басейне ракі Чарнагосніца каля вёсак Дашкава і Соржыца.

Плошча паверхні возера 1,33 км², даўжыня 2,9 км, найбольшая шырыня 0,93 км. Найбольшая глыбіня дасягае 4,2 м, сярэдняя складае 2,3 м. Плошча вадазбору 174 км²

Катлавіна возера лагчыннага тыпу, выцягнутая з поўначы на поўдзень. Схілы катлавіны вышынёй 10—18 метраў. Берагавая лінія ўтварае некалькі заліваў і мысоў. Берагі нізкія і пясчаныя. У залівах берагі забалочаныя. Пойма шырынёй ад 5 да 20 метраў. На возеры востраў плошчай каля 13 га, які падзяляе возера на два плёсы. Паўднёвы плёс больш глыбокі. Літаральная зона да глыбіні 1,5 м пясчаная. Дно возера ў паўночнай частцы і паўднёвых залівах выслана сапрапелем, на астатняй частцы — глеем.
Возера Астровенскае эўтрофнае, праточнае. Упадаюць ручаі, у тым ліку з азёр Белае і Саро, і выцякае рака Чарнагосніца. Возера зарастае да глыбіні 1,5—2 м на шырыню 5—20 м.

У возеры водзяцца шчупак, плотка, акунь, лінь, язь і іншыя віды рыб.

• Курловіч М. М. Астровенскае возера // Энцыклапедыя прыроды Беларусі. У 5-і т. Т.2 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 2. — 522 с. — 10 000 экз.
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 31. — 72 с. — 10 000 экз. — ISBN 978-985-508-136-5. (руск.)

• Астровенскае возера Архівавана 16 красавіка 2014.