Астрыд Тобіясан Менасанч
Астрыд Тобіясан Менасанч (швед. Astrid Tobieson Menasanch; нар. 29 снежня 1989)[1] — шведскі і іспанскі драматург, рэжысёр, прадзюсар[2] і журналіст.[1] У яе ёсць сям’я як у Швецыі, так і ў Іспаніі.[3] Кар’ераТобіясан Менасанч атрымала прафесію актрысы ў 2015 годзе ў тэатральнай акадэміі Эстудыё Корацы, Мадрыд.[4] Але да гэтага Тобіясан Менасан ужо ў 2012 годзе дэбютавала ў якасці рэжысёра і драматурга са сваёй п’есай «Але вы ніколі не адважыцеся» у тэатры Orion у Стакгольме.[5] П’еса была апісана як: «у роўных частках смешны, заганны і таленавіты дыягназ сучаснага патрыярхату, і ў той жа час ён некалькі рахманы: малады, злы, уразлівы і моцны».[5] Пасля свайго другога спектакля «100 дзяцей» журналістка па культуры Марыя Эдстром сказала, што Тобіясан Менасанч «драматург, за якім трэба назіраць».[6] Яе п’есу «На зямлі, якая ніколі не гарэла, цяпер гараць дрэвы» ахарактарызаваў тэатральны крытык Ларс Рынг, як «выбітны, палымяны, паэтычны маналог».[7] У 2016 годзе яна паставіла «рэзкі і правакуючы на роздум» спектакль[8] «Сіла мары» ў тэатральнай ўстанове Regionteater Väst. Дзеці сярэдняй школы сустрэлі «сучасны тэатр у самым лепшым выглядзе».[8] У 2016 годзе Тобіясан Менасан выйшла на еўрапейскую сцэну са сваёй п’есай «Начны праход». Яна была заснавана на сапраўднай гісторыі з Македоніі. Спектакль быў пастаўлены ў Стакгольмскім гарадскім тэатры [9] і ў Тэатры дэль Барыё [10] ў Мадрыдзе. У Стакгольмскім гарадскім тэатры яна паставіла «Frontens gryningsfärg» Мустафы Кан у 2017 годзе.[11] Яна таксама працуе з гумарыстычнай групай Caos Family, якой яна кіравала ў Riksteatern у 2018 годзе.[12] Артыкулы і палітычныя тэкстыАстрыд Тобіясан Менасанч часта піша артыкулы ў шведскай прэсе. Сярод іншых яна супрацоўнічае з газетамі Aftonbladet,[13] Expressen,[14] SvD,[15] Sveriges Radio (нацыянальнае радыё),[13] Feministiskt Perspektiv . У 2012 годзе яна напісала артыкул пад назвай «Паруш маўчанне пра Іспанію». Артыкул быў шырока распаўсюджаны па Еўропе і перакладзены як мінімум на 5 розных моў. Неўзабаве пасля гэтага яна стала нарысістам на шведскім радыё Sveriges Radio.[13] Яна адкрыла гэтую працу нарысам пра непасрэднае дачыненне яе сем’яў да іспанскай дэмакратыі. Паводле Сідсвенскана, яе ўспрынялі як «новы жывы голас, які можна было слухаць гадзінамі».[16] У 2015 годзе Тобіясан Менасанч уступіла ў публічную спрэчку з паслом Іспаніі ў Швецыі Хаўерам Хіменэс-Угартэ. Штуршком да спрэчкі стаў апублікаваны ў SvD артыкул пад назвай «Іспанскі законапраект аб абароне грамадзян парушае правы чалавека», ініцыяваны Тобіясан Менасанч і падпісаны 40 палітыкамі і экспертамі.[17] Пасля сустрэчы з іспанскім паслом Тобіясан Менасанч сведчыць, што пасол спрабаваў яе падкупіць і выкупіць маўчанне, што сам амбасадар адмаўляе.[18] П’есы
Зноскі
|
||||||||||||||||||
Portal di Ensiklopedia Dunia
