Астэрыянела

Астэрыянела
Астэрыянела зграбная (Asterionella formosa)
Навуковая класіфікацыя
прамежныя рангі Дамен:  Эўкарыёты Царства:  Храмісты Аддзел:  Bacillariophyta Клас:  Дыятомавыя водарасці Падклас:  Fragilariophycidae Парадак:  Fragilariales Сямейства:  Фрагілярыевыя Род:  Астэрыянела
Міжнародная навуковая назва
Asterionella Hassall (1850)
Выявы на Вікісховішчы ITIS   3116 NCBI   35129 EOL   11816

Астэрыяне́ла (Asterionella) — род каланіяльных дыятомавых водарасцей сямейства фрагілярыевых.

Клеткі палачкападобныя, утвараюць зоркападобныя калоніі, радзей зігзагападобныя або спіральныя ланцужкі. Панцыр тонкі, з паяска лінейны, гетэрапольны. Уставачныя абадкі і септы адсутнічаюць. Створкі вузкалінейныя з галоўчатымі канцамі. Штрыхі кволыя, папярочныя, паралельныя. Восевае поле вузкалінейнае.

Трапляюцца пераважна ў планктоне мораў. У прэснаводных вадаёмах вядомы астэрыянела зграбная (Asterionella formosa) і астэрыянела найзграбнейшая (Asterionella gracillima); пашырана ў Заходняй Еўропе і Паўночнай Амерыцы, адзначаны ў планктоне азёр, рэк і іншых вадаёмаў Беларусі, астэрыянела зграбная выяўлена ў выкапнёвым стане ў адкладах антрапагену і галацэну.

• Хурсевіч Г. К.. Астэрыянела // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.