Асцыляторыя

Асцыляторыя
Oscillatoria princeps
Навуковая класіфікацыя
Дамен:  Бактэрыі Тып:  Цыанабактэрыі Клас:  Chroobacteria Атрад:  Oscillatoriales Сямейства:  Асцыляторыевыя Род:  Асцыляторыя
Міжнародная навуковая назва
Oscillatoria Vaucher ex Gomont, 1822
Сістэматыка на Віківідах Выявы на Вікісховішчы ITIS   917 NCBI   1158 EOL   11420

Асцыляторыя (Oscillatoria) — род ніткаватых сіне-зялёных водарасцей сямейства асцыляторыевых.

Трыхомы блакітна-зялёнага, радзей жоўта-зялёнага, чырванаватага або фіялетавага колеру, складаюцца (акрамя канцавых) з цыліндрычных клетак, адзіночныя або злучаны ў дзернавінкі, пераважна без слізістага чахла, не маюць гетэрацыстаў. Размнажаюцца дзяленнем клетак папалам, гармагоніямі і планакокамі. Большасць відаў рухомыя.

Касмапаліты. Вядома больш за 100 відаў, на Беларусі найбольш пашыраны ў планктоне сажалак і азёр: асцыляторыя азёрная (Oscillatoria limnetica), асцыляторыя азярковая (Oscillatoria lacustris), асцыляторыя глeicтaя (Oscillatoria limosa), асцыляторыя тонкая (Oscillatoria tenuis), асцыляторыя плaнктонная (Oscillatoria planctonica), асцыляторыя Arapдa (Oscillatoria aghardii). Індыкатары полі- і мезасапробных водаў. Асцыляторыя чырванаватая (Oscillatoria rubes­cens) выклікае падлёднае цвіценне вады ў возеры Рудакова Мядзельскага раёна.

• Л. В. Прасянік. Асцыляторыя // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.