Беларус-09Н

Беларус-09Н
Беларус-09Н
Вытворца	МТЗ, Смаргонскі агрэгатны завод
Гады выпуску	з 1992
Прызначэнне	сельскагаспадарчы трактар
Цягавы клас	0,1
Габарыты
Даўжыня, мм	1780
Шырыня, мм	850
Вышыня, мм	1070
Падвеска
Тып хадавой часткі	Колавы

BELARUS-09Н — беларускі мотаблок, прызначаны для выканання ворыва лёгкіх глеб, баранавання, культывацыі, міжраднай апрацоўкі бульбы і буракоў, кашэння траў у садках і агародах, на прышкольных і прысядзібных участках, а таксама для транспартавання грузаў.

Гісторыя

Быў сканструяваны ў 1992 годзе. Першы мотаблок сышоў з канвера ў гэтым жа годзе. Неадразова мадыфікаваўся.

У снежні 2009 года Смаргонскі агрэгатны завод выпусціў 15-тысячны мотаблок^[1].

11 сакавіка 2011 года быў сабраны 20-тысячны мотаблок^[2].

Мотаблокі Беларус-09Н, акрамя Беларусі, пастаўляліся ў Расію, Украіну, Літву, Латвію, Эстонію, Венесуэлу і ЗША.

Апісанне

Мотаблок падыходзіць для выкарыстання ў фермерскіх і прысядзібных гаспадарках, на жывёлагадоўчых фермах, для працы ў цяпліцах, садках, агародах, парках і скверах, на прышкольных участках. Мае шырокі асартымент малагабарытнага навяснога абсталявання для сельскагаспадарчых і камунальных работ^[3]^[4].

Колавая формула 2×2. Колы мотаблока з пнеўматычнымі шынамі 6L-12^[3].

На BELARUS-09Н усталёўваліся аднацыліндровыя чатырохтактныя бензінавыя рухавікі Honda GX270^[5], Lifan LF177 або Kipor KG280^[6]. Працоўны аб'ём рухавіка складае 270 см³. Намінальная магутнасць 6,6 кВт (9 к. с.).

Камплектаваліся толькі механічнай трансмісіяй; каробка перадач механічная, ступеністая, з пастаянным зачапленнем шасцерняў. Колькасць перадач 4 наперад, 2 назад.