Блакітніца алексіс

	Блакітніца алексіс
Навуковая класіфікацыя
Дамен:	Эўкарыёты
Царства:	Жывёлы
Падцарства:	Эўметазоі
Без рангу:	Двухбакова-сіметрычныя
Без рангу:	Першаснаротыя
Без рангу:	Ecdysozoa
Без рангу:	Panarthropoda
Тып:	Членістаногія
Падтып:	Трахейнадыхальныя
Надклас:	Шасціногія
Клас:	Насякомыя
Падклас:	Крылатыя насякомыя
Інфраклас:	Навакрылыя насякомыя
Надатрад:	Насякомыя з поўным метамарфозам
Атрад:	Матылі
Падатрад:	Glossata
Надсямейства:	Papilionoidea
Серыя:	Papilioniformes
Сямейства:	Блакітніцы
Падсямейства:	Polyommatinae
Трыба:	Polyommatini
Род:	Glaucopsyche
Від:	Блакітніца алексіс
Міжнародная навуковая назва
	Glaucopsyche alexis Poda, 1761
Сінонімы
	Papilio alexis Poda, 1761; Papilio cyllarus Rottemburg, 1775; Lycaena cyllarus var. aeruginosa Staudinger, 1881; Lycaena alexis ab. ♀ casanensis Krulikovsky, 1890; Lycaena alexis ab. ♀ caerulea Courvoisier, 1913;
Падвіды
	Glaucopsyche alexis alexis; Glaucopsyche alexis blachieri; Glaucopsyche alexis lugens; Glaucopsyche alexis melanoposmater;
NCBI	203781
EOL	267841

Блакітніца алексіс (Glaucopsyche alexis) — від матылькоў сямейства блакітніц.

Матылёк сярэдніх памераў, даўжыня пярэдняга крыла складае 15-18 мм. Самец зверху блакітны з цёмнай аблямоўкай па боку крыла, самка бурая са слабым блакітнаватым напыленнем ля асновы крылаў. Знізу крылы шэрыя або светла-шэра-бурыя, пярэднія нясуць шэраг дугападобна размешчаных буйных чорных плям, абрамленых белым, слаба прыкметная сярэдняя пляма, заднія — драбнейшыя такія ж плямы і бірузовае напыленне ля асновы.

Распаўсюджана ва ўмеранай зоне Еўразіі. У Беларусі сустракаецца вельмі лакальна. Вядомы па нешматлікіх знаходках у Брэсцкай, Гродзенскай, Гомельскай і Мінскай абласцях.

Месцапражыванні: лугі, паляны і ўскраіны лісцёвых лясоў, сухія рэдкалессі і пусткі.

На працягу года развіваецца ў адным пакаленні. Лёт матылькоў з красавіка па ліпень у залежнасці ад месцазнаходжання. Вусені жывяцца лісцем і кветкамі чыны лугавой, люцэрны, донніка лекавага, мышынага гарошку і іншых бабовых. Вядома, што вусені кантактуюць з рознымі відамі мурашак (роды Myrmica, Formica, Lasius і інш.). Зімуе ў фазе кукалкі, радзей — вусеня.

Від занесены ў Чырвоныя кнігі Беларусі, Германіі, Швецыі.