Блакітніца эраідэс

Блакітніца эраідэс
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Надатрад:  Насякомыя з поўным метамарфозам Атрад:  Матылі Падатрад:  Glossata Надсямейства:  Papilionoidea Серыя:  Papilioniformes Сямейства:  Блакітніцы Падсямейства:  Polyommatinae Трыба:  Polyommatini Род:  Polyommatus Від:  Блакітніца эраідэс
Міжнародная навуковая назва
Polyommatus eroides Frivaldszky, 1835
Сістэматыка на Віківідах Выявы на Вікісховішчы NCBI   265385 EOL   269467

Блакітніца эраідэс (Polyommatus eroides) — матыль з сямейства блакітніц.

Размах крылаў 30-34 мм. Крылы самца зверху атласна-блакітныя з цёмнай аблямоўкай, знізу светла-шэрыя. У самак верх крылаў буры, ніз буравата-шэры. На сподзе крылаў характэрны для блакітніц гэтага роду яркі малюнак з круглых чорных крапінак у белых арэолах, аранжавых лунак уздоўж краю, абмежаваных чорнымі дужкападобнымі плямамі.

Пашырэнне: ад Усходняй Еўропы да горных раёнаў Цэнтральнай і Усходняй Азіі. У Беларусі вядома па некалькіх знаходках на поўдні. Месцы пражывання — ускрайкі сасновых лясоў.

За год дае адно пакаленне. Матылі лётаюць у чэрвені-ліпені. Вусені развіваюцца на кураваях. Яны ж і зімуюць.

Гэты від уключаны ў спісы Чырвоных кніг Албаніі, Беларусі, Балгарыі, Грэцыі, Македоніі, Польшчы, Чэхіі, Расіі, Славакіі, Турцыі, Украіны і Югаславіі^[1].

• Чырвоная кніга Рэспублікі Беларусь: Рэдкія і тыя, што знаходзяцца пад пагрозай знікнення віды жывёл і раслін. Мн.: Беларуская Энцыклапедыя, 1993. ISBN 5-85700-095-5