Букавінскі ўніверсітэт

Букавінскі ўніверсітэт — украінская прыватная вышэйшая навучальная ўстанова са статусам універсітэта, якая знаходзіцца ў Чарнаўцах.

Навучальная ўстанова неаднаразова мяняла сваю назву і статус:

• 1995 — Прыватны тэхнікум аўдыту і правазнаўства
• 1999 — Чарнавіцкі фінансава-юрыдычны каледж
• 2001 — Чарнавіцкі фінансава-юрыдычны інстытут
• 2005 — Букавінскі інстытут
• 2006 — Букавінскі ўніверсітэт

Вучэбна-навуковую работу ўніверсітэта забяспечвае выкладчыцкі корпус, які складаецца з 170 прафесараў, дацэнтаў, выкладчыкаў, спецыялістаў-практыкаў. ВНУ мае ўласнае друкаванае прафесійнае навуковае выданне, рэкамендаванае Міністэрствам адукацыі і навукі Украіны для публікацыі вынікаў дысертацыйных даследаванняў, — «Зборнік навуковых прац. Эканамічныя навукі». Маецца праграма падвойнага дыплома з партнёрскімі ВНУ з ЕС. Універсітэт мае чатыры ўласныя навучальныя корпусы, бібліятэку з кніжным фондам больш за 35 тысяч асобнікаў, кафэ, камп’ютарныя лабараторыі і інш.

• Факультэт інфармацыйных тэхналогій і эканомікі
• Юрыдычны факультэт
• Каледж

• Афіцыйны сайт установы

• На Вікісховішчы пакуль няма медыяфайлаў па тэме, але Вы можаце загрузіць іх