Бюраканская астрафізічная абсерваторыя

Бюраканская астрафізічная абсерваторыя імя В. А. Амбарцумяна — адна з вядучых навуковых устаноў Нацыянальнай акадэміі навук Арменіі. Абсерваторыя знаходзіцца ў Арагацотнскай вобласці ў Арменіі на паўднёвым схіле гары Арагац на вышыні 1490 м на ўскраіне вёскі Бюракан. Комплекс будынкаў абсерваторыі з'яўляецца архітэктурным помнікам.

• 1946—1988 — Віктар Амазаспавіч Амбарцумян — ініцыятар заснавання і першы дырэктар абсерваторыі
• 1988—1993 — Эдуард Яфімавіч Хачыкян^[1]
• 1993—1994 — Айк Авакавіч Аруцюнян^[2] (в. а. дырэктара)
• 1994—1999 — Арташэс Рубен Петрасян^[3]
• 1999—2003 — Эдуард Яфімавіч Хачыкян^[1] (другі тэрмін)
• з 2003 — Айк Авакавіч Аруцюнян^[2]

Бюраканская абсерваторыя была заснавана ў 1946 годзе па ініцыятыве на той час член-карэспандэнта АН СССР Віктара Амбарцумяна, які доўгі час быў яе дырэктарам. Будаўніцтва комплексу пачалося вясной таго ж года пад кіраўніцтвам Самвела Сафарана. У год заснавання абсерваторыі быў створаны часопіс «Паведамленні Бюраканскай абсерваторыі». З 1998 года абсерваторыя носіць імя В. А. Амбарцумяна.

Афіцыйнае адкрыццё абсерваторыі адбылося толькі 19 верасня 1956 года.

На тэрыторыі абсерваторыі ў 1961 годзе была створана станцыя Астранамічнага інстытута імя В. В. Собалева (раней АТ ЛДУ).