Бірабіджанскі раён

Бірабіджанскі раён
Герб
Краіна	Расія[2]
Уваходзіць у	Яўрэйская аўтаномная вобласць[1]
Адміністрацыйны цэнтр	Бірабіджан[1]
Дата ўтварэння	1934
Насельніцтва	▼10 103 чал. (2023)[3]
Плошча	4 442,56 км²
Вышыня над узроўнем мора	82 м
Афіцыйны сайт
Медыяфайлы на Вікісховішчы

Бірабіджанскі раён — адміністрацыйна-тэрытарыяльная адзінка (раён) і муніцыпальнае ўтварэнне (муніцыпальны раён) у цэнтральнай частцы Яўрэйскай аўтаномнай вобласці Расіі. Адміністрацыйны цэнтр — горад Бірабіджан, які не ўваходзіць у склад раёна (самастойнае муніцыпальнае ўтварэнне «горад Бірабіджан» са статусам гарадской акругі).

Раён мяжуе са Смідовіцкім, Ленінскім, Аблучанскім раёнамі ЯАВ, а таксама з Хабараўскім краем і Кітаем. Плошча тэрыторыі — 4500 км².

Раён акружаны перадгор’ямі Малога Хінгана, вяршынямі Пактой, Шчука, Вялікі Ушумун, Чуркінскім хрыбтом. Размешчаны ў басейне ніжняй плыні ракі Біры, па тэрыторыі раёна таксама працякаюць яе прытокі: Малая Біра, Вялікі і Малы Ушумун, Папярэчная, Бірушка і інш.

Радовішчы гаручых карысных выкапняў (Ушумунскае радовішча бурага вугалю і дванаццаць радовішчаў торфу) і будаўнічых матэрыялаў.