Валерый Генадзевіч Фамічоў
Валерый Фамічоў (нар. 23 сакавіка 1988, Мінск) — беларускі футбаліст (брамнік) і трэнер. У цяперашні час працуе трэнерам брамнікаў клуба «Энергетык-БДАТУ» з Мінска. Адзін з самых высакарослых беларускіх брамнікаў (рост 202 см). Клубная кар’ераВыхаванец мінскай СДЮШАР-5, выступаў за ждановіцкую «Дарыду», дзе гуляў за дубль, аддаваўся ў арэнду клубу першай лігі «Камунальнік». Пасля распаду «Дарыды» апынуўся ў «Баранавічах», а потым у «Гарадзеі», дзе стаў асноўным брамнікам і выйграў Другую лігу 2010. Сезон 2011 правёў у якасці другога брамніка ў бабруйскай «Белшыне», а ў снежні 2011 трапіў у склад «Брэста», дзе стаў асноўным брамнікам. «Шахцёр» і «Ардуспор»У лютым 2013 перайшоў у казахскі «Шахцёр» з Караганды[4] і прыняў грамадзянства Казахстана. У «Шахцёры» быў трэцім брамнікам і ніводнага разу не з’явіўся на полі. У верасні 2013 быў аддадзены ў арэнду клубу «Ардуспор» з першай турэцкай лігі[5]. Дзякуючы казахстанскаму грамадзянству не лічыўся легіянерам у Турцыі. Спачатку разглядаўся як другі брамнік, але ў сувязі з траўмай асноўнага брамніка заняў месца ў стартавым складзе, дапамог клубу заняць трэцяе месца ў другім дывізіёне Турцыі. У лютым 2014, пакінуўшы «Ардуспор», праходзіў прагляд у «Ардабасы» з Шымкента[6], але ў выніку ў красавіку 2014 быў заяўлены за «Шахцёр»[7]. У чэрвені 2014 года, так і не згуляўшы за карагандзінскі клуб, перайшоў у «Ардуспор» ужо на трывалай аснове[8]. Аднак у новым сезоне справы ў «Ардуспора» пайшлі значна горш, ён хутка замацаваўся на апошнім радку табліцы. У студзені 2015 года Фамічоў пакінуў Турцыю. «Дынама» БрэстЗ лютага 2015 трэніраваўся разам з брэсцкім «Дынама»[9] і ў выніку пачаў сезон 2015 у складзе брэсцкага клуба. Быў асноўным брамнікам, удалай гульнёй дапамог «Дынама» паспяхова пачаць чэмпіянат 2015. Аднак, 16 чэрвеня 2015 года кантракт з-за фінансавых праблем клуба быў разарваны[10]. «Алмалык»У ліпені 2015 года зноў накіраваўся ў Азію, стаўшы іграком «Алмалыка»[11]. «Тарпеда-БелАЗ»У студзені 2016 года Валерый вярнуўся ў Беларусь, падпісаўшы кантракт з «Тарпеда-БелАЗ»[12]. У жодзінскім клубе здолеў выйграць канкурэнцыю ў Ягора Хаткевіча і стаць першым брамнікам. 21 мая 2016 года, адбіўшы тры пасляматчавыя пенальці ў фінальным матчы супраць БАТЭ, дапамог «Тарпеда-БелАЗ» заваяваць першы ў гісторыі Кубак Беларусі. У снежні 2016 года на два гады падоўжыў кантракт з аўтазаводцамі[13]. У пачатку сезона 2017 працягваў быць асноўным брамнікам жодзінцаў. «Ардабасы»У чэрвені 2017 года было абвешчана аб пераходзе Фамічова ў казахстанскі клуб «Ардабасы»[14]. Да канца сезона 2017 ён, аднак, так і не з’явіўся на полі. У студзені 2018 года з’явілася інфармацыя, што брамнік пакінуў каманду[15], хоць пазней у яе складзе адправіўся на збор у Турцыю[16]. У сезоне 2018 не выступаў. Вяртанне ў БеларусьУ лютым 2019 года вярнуўся ў Беларусь, папоўніўшы склад дэбютанта Другой лігі дзяржынскага «Арсенала»[17]. Згуляў за каманду ў трох матчах, галоў не прапускаў. У ліпені 2019 года па ўзаемнай згодзе пакінуў каманду[18] і неўзабаве далучыўся да мінскага НФК[19]. У лістападзе 2019 года падоўжыў кантракт са сталічным клубам[20], які змяніў назву на «Крумкачы». Восенню 2020 года пакінуў каманду. У пачатку 2021 года далучыўся да клуба «Энергетык-БДАТУ» з Другой лігі, дзе стаў выконваць функцыі трэнера брамнікаў. У ліпені 2023 года атрымаў трэнерскую ліцэнзію УЕФА катэгорыі C[21]. Дасягненні
Крыніцы
Спасылкі
|
|||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
