Валерый Фёдаравіч Вінакураў

Валерый Фёдаравіч Вінаку́раў (1941, Ташкент, Узбекістан — 6 снежня 2020, Мінск) — беларускі геолаг.

Нарадзіўся ў 1941 годзе ў Ташкенце (Узбекістан). Верагодна сын беларускага гідратэхніка Фёдара Вінакурава.

Скончыў у 1963 годзе факультэт гідратэхнічнага і дарожнага будаўніцтва Беларускага політэхнічнага інстытута. У 1963—1966 гадах працаваў у Інстытуце «Туркмендарпраект» Міністэрства аўтамабільных і шашэйных дарог Туркменскай ССР. У 1979—2004 гадах  — навуковы супрацоўнік Інстытута геахіміі і геафізікі Нацыянальнай Акадэміі навук Беларусі^[1].

Адзін з заснавальнікаў^[2] і навуковец-захавальнік парку валуноў, з 2004 года загадчык рэдакцыйна-выдавецкай групы Інстытута геахіміі і геафізікі Нацыянальнай Акадэміі навук Беларусі^[1].

Памёр 6 снежня 2020 года ад каранавіруснай інфекцыі COVID-19^[2].

• Винокуров, Валерий Федорович (геолог; род. 1941)