Валянціна Аркадзьеўна Ястраб

Валянціна Аркадзьеўна Ястраб (нар. 9 лютага 1962, Зажэвічы, Старобінскі раён, Мінская вобласць) — беларускі педагог і палітык.

Дэпутат Вярхоўнага Савета Беларусі 12-га склікання.

Нарадзілася 9 снежня 1962 года ў вёсцы Зажэвічы Старобінскага раёна ў сям’і сельскіх настаўнікаў^[1].

Скончыла школу ў Старых Цярушках. Пасля заканчэння ўніверсітэта разам з мужам прыехала настаўнічаць у школу вёскі Вялікі Рожан Салігорскага раёна^[1].

Васемнаццаць гадоў працавала намеснікам дырэктара ў школах Салігорска, у тым ліку да 1990 года — намеснікам дырэктара сярэдняй школы № 5 Салігорска^[1]. У 1990—2005 гадах працавала дырэктарам сярэдняй школы № 5 Салігорска, якая пад яе кіраўніцтвам атрымала статус школы з эстэтычным ухілам^[2].

У 1990 годзе абрана ў Вярхоўны Савет Беларусі 12-га склікання. Галасавала за прыняцце Закона «Аб забеспячэнні палітычнай і эканамічнай самастойнасці БССР»^[3].

Замужам, мае двух сыноў і дачку.

• Муж — Міхаіл Паўлавіч Ястраб, дырэктар сярэдняй школы № 2 Салігорска^[1][4].
• Дачка — Алена Міхайлаўна Ястраб, настаўніца пачатковых класаў сярэдняй школы № 5 Салігорска^[1][2].

• Званне «Выдатнік народнай адукацыі БССР»^[1].