Васількіўскі маёлікавы певень

	Valeri Protoriev[d] і Nadia Protorieva[d]
	Васількіўскі маёлікавы певень
Матэрыял	Маёліка
	Медыяфайлы на Вікісховішчы

Васількіўскі маёлікавы певень, Барадзянскі Пеўнік, пеўнік з Барадзянкі — тыражаваны твор вытворчасці Васількіўскай маёлікі, аўтарства Валерыя Пратор’ева і Надзеі Пратор’евай.

Асобнік такога пеўніка быў знойдзены ў адным з разбураных расійскай бамбардзіроўкай дамоў у Барадзянцы, на кухоннай шафе, якая прыцягнула шырокую ўвагу тым, што ацалела на сцяне знішчанай кватэры^[1].

Разам з сабачкам Патронам і коткай з Барадзянкі, выратаванай з разбуранага дома, стаў сімвалам стойкасці падчас расійскага ўварвання ва Украіну^[2].

Гісторыя

Пеўнік выпускаўся на прадпрыемстве «Васількіўскі маёлікавы завод» з пачатку 1960-х па 1980-я гады.

Пасля таго як свет абляцела фота ацалелай шафы з пеўнікам з разбуранага дома ў Барадзянцы, украінскія СМІ і людзі ў сацсетках зацікавіліся гэтым творам мастацтва. Шафку заўважыла і сфатаграфавала Лізавета Сервацінская^[3]. Асобна ад шафы на пеўніка звярнула ўвагу дэпутат Кіеўскага гарадскога савета Вікторыя Бурдукова^[3].

Пеўніка разам з шафай забраў у экспазіцыю Музей Рэвалюцыі Годнасці^[4]^[5].

У вёсцы Машчун у разбомбленай хаце знайшлі яшчэ аднаго пеўніка^[6].

Аўтарства

Твор першапачаткова памылкова прыпісалі Пракопу Бідасюку^[1].

Галоўны мастак Васількіўскага маёлікавага завода апошніх гадоў Сяргей Дзенісенка лічыць, што аўтарства пеўніка належыць Валерыю Пратор’еву і яго жонцы Надзеі Яфімаўне^[7]^[8].

Сімвал

Кухонныя шафа з пеўнікам, якія засталіся на сцяне, сталі сімвалам стойкасці і непакорлівасці. З’явіўся мем: «Будзь моцным, як гэтыя кухонная шафа»^[3]. Таксама згадваюцца як сімвал нязломнасці ўкраінскага духу^[9].

Пеўнік з’яўляецца на ілюстрацыях Аляксандра Грахова, Дзімы Каваленкі, ката Інжыра. Яго актыўна шукаюць на сайтах аб’яваў.

Пеўнік стаў адной з папулярных тэм для пісанак, у прыватнасці літоўскі дызайнер Laimss Kūdikis размясціў яго на пісанцы^[10].

Падчас візіту Прэм’ер-міністра Вялікабрытаніі Борыса Джонсана у Кіеў 9 красавіка 2022 года яму і Прэзідэнту Украіны Уладзіміру Зяленскаму падарылі падобных керамічных пеўнікаў.

Першы помнік пеўніку з’явіўся ў Бэрэзнэ^[11].

Укрпочта прапанавала эскіз маркі з пеўнікам ў 2022 годзе^[12].