Васіль Васілевіч Папоў

Васіль Васілевіч Папоў
Васіль Васілевіч Папоў
Дата нараджэння	7 лютага 1887
Месца нараджэння	Скопінскі павет[d], Разанская губерня, Расійская імперыя;
Дата смерці	29 лістапада 1955 (68 гадоў)
Грамадзянства	Расійская імперыя; СССР;
Род дзейнасці	навуковец, geodesist
Навуковая сфера	геадэзія
Месца працы	Беларуская дзяржаўная сельскагаспадарчая акадэмія; Сібірскі дзяржаўны ўніверсітэт геасістэм і тэхналогій[d]; Беларускі дзяржаўны тэхналагічны ўніверсітэт; БНТУ;
Навуковая ступень	доктар тэхнічных навук (1938) і акадэмік Акадэміі навук Беларускай ССР (1950)
Навуковае званне	прафесар;
Альма-матар	Канстанцінаўскі межавы інстытут[d];
Узнагароды	;

Васіль Васілевіч Папо́ў^[1] (руск.: Василий Васильевич Попов; 7 лютага 1887 — 29 лістапада 1955) — вучоны, геадэзіст, доктар тэхнічных навук (1938), прафесар (1939), акадэмік Акадэміі навук БССР (1950), Заслужаны дзеяч навукі Беларускай ССР (1954).

Біяграфія

Нарадзіўся ў вёсцы Няўзорава Скопінскага павета Разанскай губерні (у сучасным Пронскім раёне Разанскай вобласці Расіі). У 1906 годзе скончыў землямернае вучылішча ў Пензе, у 1911 годзе — Маскоўскі межавы інстытут. Выкладаў геадэзію ў Пензенскім землямерным вучылішчы. У 1914 годзе быў прызваны ў армію^[2]. У 1918 годзе, пасля дэмабілізацыі, зноў у Пензенскім землямерным вучылішчы^[2]. З 1924 года прафесар Днепрапятроўскага землеўпарадкавальнага тэхнікума^[2]. З 1927 года В. В. Папоў у Беларускай сельскагаспадарчай акадэміі, у 1927—1939 гадах на пасадзе загадчыка наноў створанай кафедры землеўпарадкавання^[3]. Са жніўня 1941 года В. В. Папоў у Новасібірскім інстытуце інжынераў геадэзіі, аэрафотаздымкі і картаграфіі, дзе загадваў кафедрамі геадэзіі, вышэйшай геадэзіі і займаў пасаду намесніка дырэктара па навуковай частцы^[2].

З 1949 года зноў у Беларусі. Выкладае ў Беларускім лесатэхнічным і Беларускім політэхнічным інстытутах. Адначасова з 1951 года акадэмік-сакратар Аддзялення фізіка-матэматычных навук Акадэміі навук БССР^[1].

Навуковая дзейнасць

В. В. Папову належаць навуковыя працы па паліганаметрыі, базісным вымярэнням, тэхніцы вылічэнняў. Арганізатар геадэзічных здымак Віцебска, Мінска, Гомеля і іншых гарадоў.

Сярод аублікаванага:

Схема и точность геодезической опорной сети СССР, необходимой для обоснования съемок в разных масштабах (1935);
Уравновешивание сети полигонов: Пособие для инженеров и техников, выполняющих геодезические работы / Проф. В. В. Попов, д-р тех. наук, чл.-кор. Акад. наук БССР. — Москва: Геодезиздат, 1941.;
Траверс I класса Жирово-питомник (1952, у сааўтарстве).

Узнагароды

Ушанаванне памяці

На будынку былога землямернага вучылішча ў горадзе Пенза ўстаноўлена мемарыяльная дошка^[4].

Зноскі

↑ ^а ^б Беларусь 1995.
↑ ^а ^б ^в ^г Попов, Василий Васильевич // История Геодезии (руск.)
↑ Сайты кафедры землеўпарадкавання БДСГА (руск.)
↑ Краеведческий портал «Пензенские хроники» Архівавана 13 кастрычніка 2020. (руск.)

Літаратура

Папо́ў Васіль Васілевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 557—558. — 800 с. — 5 000 экз. — ISBN 985-11-0026-9.
Папоў Васіль Васілевіч // Беларуская савецкая энцыклапедыя : [у 12 т.]. — Мінск, 2001. — Т. 8. — С. 93.
Папоў Васіль Васілевіч // Беларуская энцыклапедыя : у 18 т. — Мінск, 2001. — Т. 12. — С. 68—69.
Попов Василий Васильевич // Республика Беларусь : энциклопедия : [в 7 т.]. — Минск, 2008. — Т. 6. — С. 202.
Попов Василий Васильевич // Национальная академия наук Беларуси : энциклопедический справочник. — Минск, 2017. — С. 447—448.
Он обладал даром научного предвидения : о жизненном и творческом пути академика В. В. Попова ― основателя школы белорусских геодезистов / А. А. Соломонов. ― Минск, 1997.
В. В. Попов — выдающийся ученый и педагог / В. Н. Ганьшин, Л. С. Хренов // Построение сетей геодезического съемочного обоснования. ― Минск, 1963. — С. 93—107.