Вераценніцавыя

Вераценніцавыя
Вераценніца ломкая (Anguis fragilis)
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Паўзуны Падклас:  Дыяпсіды Інфраклас:  Лепідазаўраморфы Надатрад:  Лепідазаўры Атрад:  Лускаватыя Падатрад:  Яшчаркі Інфраатрад:  Diploglossa Сямейства:  Вераценніцавыя
Міжнародная навуковая назва
Anguidae
Сістэматыка на Віківідах Выявы на Вікісховішчы ITIS   174093 NCBI   51964 EOL   1731 FW   37992

Вераценніцавыя (Anguidae) — cямейства яшчарак.

Амаль для ўсіх відаў яго характэрна змеепадобнае цела і адсутнасць канечнасцей. Цела ўкрыта зверху і знізу чарапіцападобнай луской, пад якой суцэльным панцырам размешчаны касцявыя пласцінкі, пранізаныя сістэмай тонкіх канальцаў. Галава зверху пакрыта сіметрычна размешчанымі буйнымі шчыткамі, паміж якімі вялікі патылічны шчыток. Характэрна таксама наяўнасць раздзельных і рухомых павек, круглай зрэнкі. Язык кароткі, з больш тоўстай задняй часткай і звужанай пярэдняй, якая мае выразку і пакрыта лускападобнымі сасочкамі. Хвост ломкі, здольны да аўтатаміі і рэгенерацыі.

Сямейства ўключае каля 10 родаў, больш за 80 відаў (напр. жаўтапузік), якія пашыраны ў Еўразіі, Амерыцы і Паўночнай Афрыцы. На Беларусі пашырана вераценніца ломкая.

• Земнаводныя. Паўзуны: Энцыклапедычны даведнік. Мн., 1996. ISBN 985-11-0067-6