Вольга Генадзьеўна Сяргеева

Вольга Генадзьеўна Сяргеева
Вольга Генадзьеўна Сяргеева
Суддзя Канстытуцыйнага суда Рэспублікі Беларусь[d]
	люты 2008 — 26 верасня 2023
Нараджэнне	1952; Мінск, БССР, СССР;
Адукацыя	юрыдычны факультэт БДУ (1974);
Месца працы	Беларусбанк; Міністэрства юстыцыі Рэспублікі Беларусь; Адміністрацыя прэзідэнта Рэспублікі Беларусь; Канстытуцыйны Суд Рэспублікі Беларусь;
Узнагароды	; ;

Вольга Генадзьеўна Сяргеева (нар. 1952, Мінск) — беларускі суддзя і дзяржаўны дзеяч. Суддзя Канстытуцыйнага Суда Рэспублікі Беларусь (2008—2023).

Біяграфія

У 1974 годзе скончыла юрыдычны факультэт Беларускага дзяржаўнага ўніверсітэта.

У 1975—1992 гадах працавала юрысконсультам, старшым юрысконсультам у гарадах Ахтубінск, Хмяльніцкі, Ленінакан, Ахалкалакі, Ржэў. У 1993—1997 гадах займала пасады галоўнага спецыяліста, намесніка начальніка ўпраўлення − начальніка аддзела заканадаўства аб агульных пытаннях рынку і экалогіі, начальніка ўпраўлення гаспадарчага заканадаўства Міністэрства юстыцыі Рэспублікі Беларусь.

З чэрвеня па снежань 1997 года працавала начальнікам ўпраўлення нарматыўна-прававой работы ААБ «Беларусбанк».

У 1997—1998 гадах узначальвала ўпраўленне заканадаўства аб дзяржаўным і сацыяльным будаўніцтве Міністэрства юстыцыі Рэспублікі Беларусь.

У 1998—2001 гадах — намеснік Міністра юстыцыі Рэспублікі Беларусь.

У 2001 годзе перайшла на работу ў Адміністрацыю Прэзідэнта Рэспублікі Беларусь на пасаду начальніка галоўнага дзяржаўна-прававога ўпраўлення.

З лютага 2008 года — суддзя Канстытуцыйнага Суда Рэспублікі Беларусь. З лютага 2012 года па люты 2017 года — намеснік Старшыні Канстытуцыйнага Суда Рэспублікі Беларусь.

З 2013 па 2017 год — прадстаўнік Рэспублікі Беларусь у Еўрапейскай камісіі за дэмакратыю праз права (Венецыянская камісія).

Унесеная ў санкцыйныя спісы краін Балтыі^[1]^[2].

26 верасня 2023 года вызвалена ад пасады суддзі Канстытуцыйнага Суда ў сувязі з выхадам у адстаўку^[3].