Вольга Дзмітрыеўна Акімава

Вольга Дзмітрыеўна Акімава
Вольга Дзмітрыеўна Акімава
Дата нараджэння	11 ліпеня 1883
Месца нараджэння	Полацкі павет, Віцебская губерня, Расійская імперыя;
Дата смерці	4 ліпеня 1969 (85 гадоў)
Грамадзянства	Расійская імперыя; СССР;
Род дзейнасці	біёлаг
Навуковая сфера	альгалогія
Месца працы	біялагічны факультэт БДУ; Віцебскі дзяржаўны ўніверсітэт імя П. М. Машэрава;
Навуковае званне	дацэнт
Альма-матар	Віцебскі дзяржаўны ўніверсітэт імя П. М. Машэрава;

Вольга Дзмітрыеўна Акі́мава (11 ліпеня 1883, Полацкі павет, Віцебская губерня, Расійская імперыя — 4 ліпеня 1969) — беларусі вучоны-альголаг, адзін з першых даследчыкаў альгафлоры Беларусі.

Біяграфія

В. Д. Акімава нарадзілася ў Полацкім павеце Віцебскай губерні. У 1906—1912 гг. скончыла Вышэйшую школу, Вышэйшыя прыродазнаўчыя курсы ў Пецярбургу. У 1921—1924 гг. асістэнт у Віцебскім настаўніцкім інстытуце, у 1938—1941 гг. дацэнт Віцебскага педагагічнага інстытута.

У 1924—1938 і 1943—1956 гг. працавала ў Беларускім дзяржаўным універсітэце (дацэнт кафедры батанікі, у 1931—1932 і 1943—1948 гг. дэкан біялагічнага факультэта).

В. Д. Акімава займалася даследаваннем альгафлоры, яе відавога складу, біямасы фітапланктону вадаёмаў Беларусі, у тым ліку, праводзіла гідрабіялагічныя даследаванні Заходняй Дзвіны ў раёне Віцебска.

У гады пасля Вялікай Айчыннай вайны была арганізатарам аднаўлення біялагічнага факультэта БДУ. За гэту працу ў 1953 г. ўзнагароджана ордэнам Леніна.

Навуковыя публікацыі

Да флоры азёр Беларусі. // Вуч. зап. БДУ, 1936, № 28.
К флоре водорослей реки Западной Двины: Гидробиологические исследования реки Западной Двины в районе Витебска. // Уч. зап. БГУ. Серия биологическая, 1948, вып. 7.
Фитопланктон пойменных водоёмов и притоков Припяти. // Труды комплексной комиссии по изучению водоёмов Полесья, 1956.