Вольга Паўлаўна Айвазоўская

Вольга Паўлаўна Айвазоўская
Род дзейнасці	грамадская актывістка
Дата нараджэння	9 лістапада 1981(1981-11-09) (43 гады)
Месца нараджэння	Чаркасы, Чаркаская вобласць, УССР, СССР
Грамадзянства	Украіна
Альма-матар	Чаркаскі нацыянальны ўніверсітэт імя Багдана Хмяльніцкага

Вольга Паўлаўна Айвазоўская (укр.: Ольга Павлівна Айвазовська; нар.9 лістапада 1981, Чаркасы, УССР^[1]) — украінская грамадская дзяячка.

Нарадзілася 9 лістапада 1981 года. Вучылася ў Чаркаскім нацыянальным універсітэце імя Багдана Хмяльніцкага (факультэт украінскай філалогіі і журналістыкі)^[2]. Была слухачкай навучальнай праграмы Украінскай школы палітычных студый^[3].

З 2001 года займаецца назіраннем выбарчага працэсу ва Украіне^[4]. У 2000—2004 гадах займала пасаду старшыні Чаркаскай абласной грамадскай моладзевай арганізацыі «Молода Просвіта». У 2006 годзе стала сузаснавальнікам усеўкраінскай грамадскай арганізацыі "Грамадзянская сетка «ОПОРА»^[5]. З 2007 года — галоўны рэдактар усеўкраінскага друкаванага выдання «Точка ОПОРИ». З 2009 года — старшыня праўлення УГА "Грамадзянская сетка «ОПОРА»^[2]. У 2016—2018 гадах Вольга была экспертам украінскага боку ў палітычнай падгрупе трохбаковай кантактнай групы ў Мінску на перамовах у пытаннях урэгулявання вайсковага канфлікту на Данбасе^[6].

З 2018 года ўзначальвае праўленне Міжнароднага Фонду «Відродження». У 2020 годзе старшыня праўлення, каардынатар палітычных праграм грамадзянскай сеткі ОПОРА Вольга Айвазоўская абраная старшынёй праўлення глабальнай сеткі нацыянальных назіральнікаў за выбарамі (GNDEM)^[7]. Глабальная сетка нацыянальных назіральнікаў за выбарамі ў цяперашні час складаецца з 251 арганізацыі-члена ў 89 краінах і 9 рэгіянальных членаў сеткі ў Афрыцы, Азіі, Еўропе, Лацінскай Амерыцы і Карыбскім басейне і на Блізкім Усходзе і Паўночнай Афрыцы. Арганізацыі фармуюць гэтую глабальную сетку ў напрамку дзейнасці па непартыйным грамадскім маніторынгу выбараў з мэтай забеспячэння сумленнага выбарчага працэсу, павышэння падсправаздачнасці урадаў і палітычных партый, зніжэння патэнцыялу гвалту па палітычных матывах і ўмацавання права грамадзян на ўдзел у кіраванні дзяржавай^[8].

Па версіі часопіса «Фокус» уваходзіць у спіс 100 самых уплывовых жанчын Украіны з 2014 па 2020 год^{[9][10][11][12][13][14][15]}.

• Грамадзянская сетка ОПОРА
• Global Network of Domestic Election Monitors (GNDEM)