Вуліца Петруся Броўкі (Полацк)

Вуліца Петруся Броўкі Полацк
Агульная інфармацыя
Краіна	Беларусь
Горад	Полацк
Раён	Задзвінне, Марыненка
Працягласць	3100 м
Назва ў гонар	Пятрусь Броўка
Паштовы індэкс	211402, 211409, 211412
Нумары тэлефонаў	+375214

Вуліца Петруся́ Броўкі (трансліт.: Vulica Pietrusia Broŭki, руск.: Улица Петруся Бровки) — вуліца ў Полацку.

Вуліца названа ў гонар класіка беларускай літаратуры Петруся Броўкі.

Пралягае ў паўднёвай частцы горада з усходу на захад ад вуліцы Юбілейнай і маста праз рэчку Бяльчанка да мяжы горада з вёскай Экімань-2.

Забудова вуліцы змяшаная: правы (паўночны) бок вуліцы, які адносіцца да мясцовасці Задзвінне, мае пераважна аднапавярховую жылую забудову сядзібнага тыпу; значная частка левага (паўднёвага) боку вуліцы, які адносіцца да мясцовасці Марыненка, забудавана шматкватэрнымі панэльнымі і цаглянымі дамамі ў 5-9 паверхаў.

Вуліца мае развітую інфраструктуру і з'яўляецца важнай транспартнай артэрыяй горада, забяспечваючы зручныя зносіны паміж рознымі раёнамі Полацка і Наваполацкам. Грамадскі транспарт прадстаўлены шматлікімі аўтобусамі і машрутнымі таксі.

• Полацкая цэнтральная раённая бальніца
• Супермаркет «Дыяніс»
• Прадуктовы рынак

• Спіс вуліц Полацка