Вуліца Талстога (Полацк)

Вуліца Талстога Полацк
Агульная інфармацыя
Краіна	Беларусь
Рэгіён	Віцебская вобласць
Горад	Полацк
Мікрараён	Цэнтр
Працягласць	270 м
Ранейшыя назвы	Прабойная
Назва ў гонар	Леў Мікалаевіч Талстой
Паштовы індэкс	211415
Медыяфайлы на Вікісховішчы

Вуліца Талстога — вуліца ў цэнтры Полацка.

Да 1911 года называлася Прабойнай.^[1] Вуліца Прабойная пралягала па мерыдыяльным накірунку (поўдзень-поўнач) у межах гарадскіх умацаванняў. Натуральнымі межамі пачатку і канца гэтай вуліцы з’яўляліся з поўдня — р. Дзвіна, з поўначы — р. Палата.^[2]

Выява гэтай вуліцы ёсць на планах пачатку XVIII стагоддзя. Вуліца праходзіла па-над ровам насупраць вала Ніжняга замка і вяла ў бок Спаса-Еўфрасіннеўскага манастыра.^[2] Для выхаду за межы гарадскіх умацаванняў вуліца раздвойвалася ў раёне неіснуючай зараз вуліцы Баравой (прастора паміж Камуністычнай вуліцай і Замкавым праездам), і асноўная яе частка набліжалася да вала Ніжняга замка і выходзіла за межы паркана праз вежу-фортку.^[3].

На поўначы гэтай вуліцы, ля Палаты ў 1656—1657 гг. быў размешчаны цвінтар і касцёл св. Крыжа.^[2]

Вуліца Прабойная была адной з асноўных гарадскіх вуліц і праходзіла ля гарадской ратушы. У Рэвізіі 1765 года вуліца Прабойная выкарыстоўваецца як арыентыр для пазначэння напрамку іншых вуліц.

У 1913 годзе мела назву вуліца графа Льва Талстога.^[4]

• № 6 — будынак Полацкага райвыканкама, пабудаваны ў якасці будынка абкама КПБ Полацкай вобласці

• № 8 — Дом афіцэраў, пабудаваны ў 1938 годзе як Дом Чырвонай арміі —  Гісторыка-культурная каштоўнасць Беларусі, шыфр 212Г000897шыфр 212Г000897
• № 15 — Будынак 1912 года —  Гісторыка-культурная каштоўнасць Беларусі, шыфр 213Г000633шыфр 213Г000633
• У перспектыве вуліцы знаходзіцца будынак канца ХІХ — пачатку ХХ стагоддзя —  Гісторыка-культурная каштоўнасць Беларусі, шыфр 213Г000631шыфр 213Г000631
• На перакрыжаванні з вуліцай Войкава знаходзіцца будынак Музея традыцыйнага ручнога ткацтва Паазер’я —  Гісторыка-культурная каштоўнасць Беларусі, шыфр 213Г000602шыфр 213Г000602