Высокі прадстаўнік па Босніі і Герцагавіне

Высокі прадстаўнік па Босніі і Герцагавіне (англ.: High Representative for Bosnia and Herzegovina) — каардынатар міжнародных намаганняў па выкананні грамадзянскіх аспектаў мірнага ўрэгулявання ў Босніі і Герцагавіне^[1].

Высокі прадстаўнік таксама з’яўляецца адмысловым Прадстаўніком Еўрапейскага саюза.

Высокі прадстаўнік валодае паўнамоцтвамі звальняць дзяржаўных дзеячаў, дзеянні якіх нясуць пагрозу міру і бяспецы Босніі і Герцагавіны, а таксама адмяняць рашэнні баснійскіх уладаў і выносіць свае ўласныя^[1].

Высокі прадстаўнік і яго Апарат (Office of the High Representative, OHR) рэпрэзентуюць краіны-ўдзельніцы Дэйтанскага дагавора праз Савет па выкананні Мірнага дагавора (Peace Implementation Council, PIC).

Пасада была створана ў 1995 годзе, адразу ж пасля падписання Дэйтанскай мірнага дагавора, для назірання за выкананнем гэтай дамовы.

27 лютага 2007 года Савет па выкананні Мірнага дагавора вырашыла спыніць мандат Высокага прадстаўніка з 30 чэрвеня 2008 года. Аднак у лютым 2008 года была прынята пастанова падоўжыць мандат на няпэўны тэрмін, улічваючы яго станоўчыя вынікі^[2].

Усе Высокія прадстаўнікі былі з краін Еўрасаюза, а іх паўнамоцтвы былі атрыманы ад Арганізацыі Аб’яднаных Нацый.

• Карл Більт (14 снежня 1995 — 18 чэрвеня 1997)
• Карлас Вэстэндорп (18 чэрвеня 1997 — 18 жніўня 1999)
• Вольфганг Петрыч (18 жніўня 1999 — 27 траўня 2002)
• лорд Пэдзі Эшдаўн (27 траўня 2002 — 31 студзеня 2006)
• Крысціян Шварц-Шылінг (31 студзеня 2006 — 2 ліпеня 2007)
• Міраслаў Лайчак (2 ліпеня 2007 — 26 сакавіка 2009)
• Валянцін Інцко (26 сакавіка 2009 — 31 ліпеня 2021)
• Крысціян Шміт (31 ліпеня 2021 — цяперашні час)

• Сайт Высокага прадстаўніка па Босніі і Герцагавіне (англ.)
• Сайт Адмысловага прадстаўніка ЕС па Босніі і Герцагавіне Архівавана 18 лістапада 2011. (англ.)