Вярба чарнічная

Вярба чарнічная
Квітнеючая расліна
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вербакветныя Сямейства:  Вярбовыя Род:  Вярба Від:  Вярба чарнічная
Міжнародная навуковая назва
Salix myrtilloides L.
Сістэматыка на Віківідах Выявы на Вікісховішчы NCBI   669809 EOL   2872141 GRIN   t:406577 IPNI   778252 TPL   tro-28300050

Вярба чарнічная^[1] (Salix myrtilloides) — рэдкі від хмызнякоў сямейства Вярбовыя.

Вярба чарнічная ўяўляе сабой куст вышынёй 0,7-1 м з яйкападобным, знізу злёгку шызым лісцем і шэрай карой. Парасткі жоўта-бурыя або чырвона-бурыя, на верхавінцы пушыстыя. Лісце эліптычнае або падоўжнае, голае, зверху матава-зялёнае, знізу шызае, на вельмі кароткіх чаранках. Кветкі дробныя, без калякветніка, сабраны ў рыхлыя мяцёлкі. Плод — аднагнёздавая двухстворкавая каробачка.

Пашырана ў лесатундравай і таежный зонах Еўразіі, зрэдку ў Заходняй Еўропе, у паўночнай частцы Украіны, на Сярэдняй Волзе. У Беларусі сустракаецца ў водна-балотным заказніку Лебядзіны мох^[2], на Украіне: у пойме ракі Дняпро^[3], у Палескім прыродным запаведніку^[4]. У Расіі яе можна сустрэць па тарфяным балотам сярэдняй паласы і нават трохі паўночней.

Месцы росту: мезатрофныя асакова-сфагнавыя балоты. Утварае зараснікі і трапляецца асобнымі групамі.

Від Вярба чарнічная ўваходзіць у род Вярба (Salix) семейства Вярбовыя (Salicaceae) парадку Вербакветныя (Malpighiales).

Гэтая вярба можа падысці для верасовага саду.

• Salix myrtilloides var. hypoglauca, (Fern.) Ball
• Salix myrtilloides var. pedicellaris, (Pursh) Anderss.

Гэты від занесены ў Чырвоную кнігу Беларусі і ахоўваецца законам. III катэгорыя (VU)

Уключаны ў Чырвоную кнігу Беларусі 2-га выдання (1993). Ахоўваецца ў Польшчы, Літве, Украіне і Латвіі^[5].

• Вярба чарнічная ў Чырвонай Кнізе Рэспублікі Беларусь(недаступная спасылка)