Вячаслаў Канстанцінавіч Шчэрбін

Вячаслаў Канстанцінавіч Шчэрбін
Дата нараджэння	17 лістапада 1953(1953-11-17) (71 год)
Месца нараджэння	Рудня Антонаўская, Антонаўскі сельсавет, Калінкавіцкі раён, Палеская вобласць, БССР, СССР
Род дзейнасці	навуковец
Месца працы	Інстытут мовазнаўства НАНБ
Альма-матар	БДУ
Прэміі

Вячаслаў Канстанцінавіч Шчэ́рбін (нар. 17 лістапада 1953, в. Рудня-Антонаўская, Калінкавіцкі раён Гомельскай вобл.) — беларускі мовазнавец. Кандыдат філалагічных навук (1983).

Скончыў БДУ (1979). 3 1982 у Інстытуце мовазнаўства імя Я. Коласа, з 1990 у прэзідыуме Нацыянальнай АН Беларусі. 3 1999 загадчык аддзела Аналітычнага цэнтра Нацыянальнай АН Беларусі.

Даследуе агульную і беларускую лексікаграфію, сацыялінгвістыку, функцыянальную граматыку і навуказнаўства. Аўтар манаграфіі «Тэарэтычныя праблемы беларускай лексікаграфіі» (1996), сааўтар энцыклапедыі «Беларуская мова» (1994), «Руска-беларускага слоўніка матэматычных, фізічных і тэхнічных тэрмінаў» (1995), кнігі «Грамадства—мова—палітыка» (1988), «Супастаўляльнае апісанне рускай і беларускай моў: Марфалогія» (1990), «Лексікалогія сучаснай беларускай літаратурнай мовы» (1994). «Гуманізацыя навукі і адукацыі ў пераходны перыяд» (2000) і інш.

• Дзяржаўная прэмія Рэспублікі Беларусь у галіне навукі і тэхнікі (1998, у сааўтарстве) — за працу «Беларуская мова. Энцыклапедыя».

• Сусвет у алфавітным парадку: Слоўнікі — учора, сёння, заўтра. Мн., 1987.
• А. Я. Міхневіч: Бібліягр. паказ. Мн., 1996.

• Шчэрбін Вячаслаў Канстанцінавіч // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).