Вікіпедыя:Абмеркаванне правіл/Выдаленне старонак

Тут знаходзяцца абмеркаванні, якія завяршыліся. Просьба не ўносіць змен.

Прапануецца надаць афіцыйны статус правіла ў адпаведнасці з прынцыпамі Вікіпедыя:Правілы наступным двум старонкам: Вікіпедыя:Выдаленне старонак і Вікіпедыя:Хуткае выдаленне. У тэксце ў асноўным замацавана ўжо існуючая практыка з шэрагам новаўвядзенняў:

• Удакладнена магчымасць выдалення файлаў. У шэрагу выпадкаў яна будзе адбывацца без абмеркавання і папярэджання праз тыдзень пасля выстаўлення шаблона {{Да выдалення}}
• Агульныя прынцыпы выдалення пашыраюцца на старонкі іншых прастораў: шаблонаў, «Вікіпедыя» і ўласных падстаронак.
• Скасоўваюцца фармальна прапісаныя ў шапцы Вікіпедыя:Да выдалення/Шапка, але не выконваемыя палажэнні: што абмеркаванне доўжыцца тыдзень, прастаноўка шаблона на старонку размоў. Пасля прыняцця правіл шапка будзе заменена на спасылку на іх.

Наконт выдалення старонак ва ўласнай прасторы хацеў бы яшчэ дапоўніць правіла. Варта неяк яўна прапісаць парадак выдалення старонак кшталту Удзельнік:Чаховіч Уладзіслаў/Арэна для ботаў3, Удзельнік:Yury Tarasievich/Шаблон:Паласа, якія закінуты і не выкарыстоўваюцца ніяк, але дадаюцца ў нейкія катэгорыі. Чакаю меркавання ўдзельнікаў на гэты конт.--Artsiom91 (размовы) 14:51, 30 верасня 2018 (MSK)[адказаць]

Меркаванні прашу пісаць тут.--Artsiom91 (размовы) 14:51, 30 верасня 2018 (MSK)[адказаць]

Лічу, адпавядае. Віт; размовы 15:24, 2 кастрычніка 2018 (MSK)[адказаць]

Спадар Віт, прашу звярнуць увагу на раздзел Архівацыя, дзе сказана "Рэкамендуецца пасля падвядзення выніку пратрымаць яго некалькі дзён на старонцы Вікіпедыя:Да выдалення перад архівацыяй, каб зацікаўленыя маглі азнаёміцца з вынікам і задаць пытанні па выніку." --Artsiom91 (размовы) 13:57, 5 кастрычніка 2018 (MSK)[адказаць]

Пакуль няма нікога супраць, дапішу пра магчымасць хуткага выдалення невыкарыстаных шаблонаў і закінутых старонак ва ўласнай прасторы.--Artsiom91 (размовы) 13:58, 5 кастрычніка 2018 (MSK)[адказаць]

Дапісаў: хутка выдаляюцца невыкарыстаныя недакументаваныя шаблоны (хай будуць рэальныя падставы і стымул ствараць дакументацыю) і закінутыя падстаронкі ва ўласнай прасторы: удзельнікаў якія паўгады не рабілі праўкі ці старонкі без правак на працягу года для актыўных удзельнікаў. Абедзве старонкі Удзельнік:Yury Tarasievich/Шаблон:Паласа і Удзельнік:Чаховіч Уладзіслаў/Арэна для ботаў3, згодна з гэтымі прынцыпамі, будуць хутка выдаленыя.--Artsiom91 (размовы) 23:32, 6 кастрычніка 2018 (MSK)[адказаць]