Віленскі сшытак

«Віленскі сшытак», таксама «Віленская табулатура» (лац.: Tabulatura Vilnensis) — ананімны зборнік свецкай пабытовай песенна-танцавальнай музыкі эпохі Рэнесансу, які захаваў узоры папулярных у Вялікім Княстве Літоўскім жанраў свайго часу^[1]. Быў складзены ў Вільні ў 1600 годзе. Змяшчае п’есы для сольнага (на лютні і аргане) і ансамблевага выканання, рычэркары, такаты, разнастайныя танцы ўсходне- і заходнееўрапейскага паходжання, апрацоўкі канцон і іншых вакальных твораў^[2]. Укладальнікам, а верагодна і аўтарам апрацовак лютневай табулатуры^[1] магчыма быў вядомы лютніст і кампазітар Дыямед Като^[2] (Diomedes Cato, 1560 — пасля 1619).