Вільгельм V Набожны

Вільгельм V Набожны
ням.: Wilhelm V von Bayern
герцаг Баварыі 1579 — 1597
Папярэднік	Альбрэхт V Баварскі
Пераемнік	Максіміліян I Вітэльсбах
Нараджэнне	29 верасня 1548 Ландсгут[1]
Смерць	7 лютага 1626(1626-02-07)[2] (77 гадоў) Oberschleißheim[d], Мюнхен[d], Верхняя Баварыя, Каралеўства Баварыя, Баварская акруга, Свяшчэнная Рымская імперыя
Месца пахавання	Царква Святога Міхаіла, Мюнхен
Род	Вітэльсбахі
Бацька	Альбрэхт V Баварскі
Маці	Ганна Аўстрыйская
Жонка	Рэната Латарынгская[d][3][4]
Дзеці	Максіміліян I Вітэльсбах, Марыя Ганна Баварская[d], Philipp of Bavaria[d], Ferdinand of Bavaria[d], Albert VI, Duke of Bavaria[d] і Магдалена Баварская[d]
Веравызнанне	каталіцтва
Медыяфайлы на Вікісховішчы

Вільгельм V Набожны (ням.: Wilhelm V der Fromme; 29 верасня 1548; Ландсгут — 7 лютага 1626; Шлайсгайм) — герцаг Баварыі з 1579 па 1597 гады.

Прадстаўнік дынастыі Вітэльсбахаў — сын герцага Альбрэхта V і яго жонкі Ганны Аўстрыйскай. Як яго бацька і дзядуля, Вільгельм прытрымліваўся ідэй Контррэфармацыі.

Жыў у сваёй рэзідэнцыі крэпасць Траўсніц у Ландсгуце. Атрымаў езуіцкую адукацыю. Вольны час прысвячаў малітвам і рэлігійнай літаратуры. Быў паломнікам.

У часы кіравання Вільгельма ўсё некаталіцкае насельніцтва вымушана было пакінуць Баварыю. Герцаг сфарміраваў Духоўны савет, які сачыў за становішчам рэлігійных спраў у краіне. Духоўны савет будаваў новыя кляштары, храмы і школы. У той час адбылася вялікая колькасць выпадкаў рэлігійнага спалення ведзьмаў.

Паміж 1583 і 1597 гадамі ў Мюнхене былі пабудаваны асноўныя цэнтры Контррэфармацыі — езуіцкі каледж і езуіцкая царква Св. Міхаіла. Расходы на адпраўку езуіцкіх місіянераў у Амерыку і Азію прывялі да спусташэння казны.

15 кастрычніка 1597 года Вільгельм вырашыў адрачыся ад прастола на карысць свайго сына Максіміліяна, а сам сышоў у манастыр, дзе правёў рэштку жыцця.

Памёр Вільгельм у 1626 годзе ў закладзеным ім палацы Шлайсгайм. Пахаваны ў храме Св. Міхаіла, які ён жа і пабудаваў, калі быў герцагам.

Ажаніўся з Рэнатай Латарынгскай (1544—1602) 22 лютага 1568 у Мюнхене. У іх нарадзілася 10 дзяцей, трое з якіх памерлі ў маленстве ці дзяцінстве.

• Крыстаф (нар. і пам. 1570)
• Крысціна (1571—1580)
• Максіміліян I (1573—1651) — герцаг Баварыі з 1597, курфюрст Баварыі з 1623.
• Марыя Ганна (1574—1616) — першая жонка германскага імператара Фердынанда II.
• Філіп Вільгельм (22 верасня 1576 — 18 мая 1598) — архібіскуп Рэгенсбурга з 1595, кардынал з 1597.
• Фердынанд (6 кастрычніка 1577 — 13 верасня 1650) — архібіскуп Кёльнскі.
• Элеанора Магдалена (1578—1579)
• Карл (1580—1587)
• Альбрэхт VI (26 лютага 1584 — 5 ліпеня 1666), герцаг Баварска-Лейхтэнбергскі
• Магдалена (4 ліпеня 1587 — 25 верасня 1628); муж: з 1613 Вольфганг Вільгельм (4 лістапада 1578 — 20 сакавіка 1653), пфальцграф Нойбурга з 1614, герцаг Юліха і Берга з 1614

• Sigmund von Riezler. Wilhelm V. der Fromme, Herzog von Baiern // Allgemeine Deutsche Biographie (ADB). Band 43. — Leipzig: Duncker & Humblot, 1898. — P. 88—90.

• На Вікісховішчы ёсць медыяфайлы па тэме Вільгельм V Набожны
• genealogy