Вірус некратычнай жаўтухі жылак буракоў

Вірус некратычнай жаўтухі жылак буракоў
Буракі, паражаныя вірусам
Навуковая класіфікацыя
Дамен:  Вірусы[1] Рэалм:  Riboviria Царства:  Orthornavirae Тып:  Kitrinoviricota Клас:  Alsuviricetes Парадак:  Hepelivirales Сямейства:  Benyviridae Род:  Benyvirus Від:  Вірус некратычнай жаўтухі жылак буракоў
Міжнародная навуковая назва
Beet necrotic yellow vein virus
Група паводле Балтымара
IV: (+)алРНК-вірусы
Сістэматыка на Віківідах Пошук выяў на Вікісховішчы NCBI   31721 EOL   539837

Вірус некратычнай жаўтухі жылак буракоў (англ.: Beet necrotic yellow vein virus, BNYVV) — від фітавірусаў з роду Benyvirus. Выклікае захворванне цукровых буракоў — рызаманію  (руск.) (бел. (ад стар.-грэч.: ῥίζα — корань і μανία — вар’яцтва).

Заражэнне расліны выклікае развіццё масы тонкіх карэньчыкаў, прыводзіць да памяншэння стрыжневага кораня і зніжэння ўтрымання цукру. Заражаныя расліны ў меншай ступені здольныя прымаць ваду і схільныя да заўчаснага завядання яшчэ ў спрыяльны для росту перыяд. Калі інфекцыя распаўсюджваецца на ўсю расліну, на лісці з’яўляюцца жоўтыя плямы, развіваецца некроз частак расліны, што паслужыла для выбару назвы віруса.

Вірус перадаецца пратыстамі з атраду Plasmodiophorida — Polymyxa betae, па адной з ранніх гіпотэз патагенезу ўзбуджальнікам рызаманіі разглядаліся менавіта яны.

Polymyxa betae валодаюць высокастойкімі спорамі, якія могуць захоўвацца ў глебе больш за двух дзесяцігоддзяў. Вірус можа доўгі час знаходзіцца ў спорах і трапляе ў расліну, толькі калі з’яўляюцца рухомыя зааспоры Polymyxa betae.