Віталь Алегавіч Квашук

Віталь Квашук
Віталь Квашук
Поўнае імя	Віталь Алегавіч Квашук
Нарадзіўся	1 красавіка 1993 (32 гады); Кіеў, Украіна;
Грамадзянства	Украіна
Рост	181 см
Вага	71 кг
Пазіцыя	паўабаронца
Інфармацыя пра клуб
Клуб	Іпсонас
Нумар	7
Маладзёжныя клубы
2006—2007	Відрадны (Кіеў)
2007—2010	Дынама (Кіеў)
2010—2012	Металург (Данецк)
Клубная кар’ера
2022—	Іпсонас
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 сакавіка 2023. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 13 снежня 2017 ;

Віталь Квашук (нар. 1 красавіка 1993, Кіеў) — украінскі футбаліст, паўабаронца кіпрскага клуба «Іпсонас».

Клубная кар’ера

Выхаванец кіеўскага «Дынама» і данецкага «Металурга». Ва ўкраінскай Прэм’ер-лізе дэбютаваў 1 снежня 2012 года ў матчы супраць днепрапятроўскага «Дняпра». З чэрвеня 2013 года выступаў у луганскай «Зары»^[3], у асноўным складзе якой дэбютаваў 24 жніўня 2014 года ў кубкавым матчы супраць «Крэміня».

У студзені 2016 года прыбыў на прагляд у беларускі клуб «Тарпеда-БелАЗ», па выніках якога ў лютым падпісаў кантракт^[4]. У чэрвені 2016 года разарваў пагадненне з жодзінцамі^[5] і неўзабаве стаў іграком данецкага «Алімпіка». Аднак ужо верасні па пагадненні бакоў пакінуў данецкі клуб, не згуляўшы ніводнага матча.

У лютым 2017 года пасля прагляду перайшоў у «Віцебск»^[6]. Замацаваўся ў аснове віцебскай каманды, стаў выступаць у асноўным на пазіцыі правага паўабаронцы. У студзені 2018 года пачаў трэніравацца з гродзенскім «Нёманам», з якім у лютым падпісаў кантракт^[7].

У ліпені 2018 года перайшоў у азербайджанскі клуб «Сабах»^[8]. У студзені 2019 года зноў апынуўся ў Беларусі, стаўшы іграком «Гомеля»^[9]. Замацаваўся ў якасці лідара каманды, з 14 галамі стаў другім бамбардзірам Вышэйшай лігі, але не здолеў выратаваць гомельскі клуб ад вылету ў Першую лігу. У студзені 2020 года па заканчэнні кантракта пакінуў «Гомель»^[10].

У лютым 2020 года стаў іграком латвійскага клуба РФШ^[11], аднак ужо ў ліпені пакінуў каманду, так і не згуляўшы за яе. У студзені 2021 года далучыўся да «Арыса» з другога дывізіёна Кіпра і па выніках сезона 2020/21 дапамог клубу выйсці ў элітны дывізіён. У жніўні 2022 года перайшоў у «Іпсонас».