Віталь Паўлавіч Крапіўны

Віталь Паўлавіч Крапіўны (29 кастрычніка 1945, с. Хароль, Прыморскі край) — беларускі архітэктар.

Скончыў Беларускі політэхнічны інстытут у 1969 годзе. Працаваў у Спецыялізаваных навукова-рэстаўрацыйных вытворчых майстэрнях Міністэрства культуры БССР, з 1975 года — начальнік аддзела, намеснік начальніка ГалоўАПУ Мінгарвыканкама, з 1987 года — ва Упраўленні справамі ЦК КПБ.

Член Саюза архітэктараў СССР з 1976 года. Член КПСС з 1975 года. Пражывае ў Мінску.

Асноўныя працы: рэстаўрацыя помнікаў архітэктуры ў Нясвіжы, Жылічах (1969—1972), рэканструкцыя аб’ектаў добраўпарадкавання Пасольства СССР у ПНР (1972—1974), добраўпарадкаванне і абсталяванне зон масавага адпачынку, комплекс малых архітэктурных формаў, рэканструкцыя добраўпарадкавання Ленінскага праспекта ў Мінску (1977—1982), паказальны дзіцячы гарадок на ВДНГ СССР (1986—1987).

• Крапивный Виталий Павлович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)