Германавіцкая сядзіба

Палацава-паркавы комплекс Шырынаў
	Палацава-паркавы комплекс
Палацава-паркавы комплекс Шырынаў
	; Палац Шырынаў
	55°24′38,82″ пн. ш. 27°43′40,21″ у. д.HGЯO
Краіна	Беларусь
Аграгарадок	Германавічы
Архітэктурны стыль	класіцызм
Дата заснавання	канец XVIII ст.
Будынкі
	палац • парк
Статус	Гісторыка-культурная каштоўнасць Беларусі, шыфр 212Г000834шыфр 212Г000834
	Медыяфайлы на Вікісховішчы

Германавіцкая сядзіба — палацава-паркавы комплекс у вёсцы Германавічы (Шаркаўшчынскі раён) на правым беразе ракі Дзісна. Помнік сядзібна-паркавай архітэктуры ў стылі класіцызм. Створаны ў канцы XVIII ст. (пасля 1782 г.) Належала I. Зрыня-Шырыну, які набыў маёнтак у графа I. Гільзена.

Архітэктура

Сядзіба мае рэгулярную планіроўку з геаметрычна правільнымі ўчасткамі пладовага саду, агароду і шэрагам прамавугольных ставоў. Да ракі спускаецца невялікі парк пейзажнага тыпу. У цэнтры кампазіцыі мураваная гаспода — прамавугольны ў плане двухпавярховы будынак з пакатым вальмавым дахам. Планіроўка анфіладная. У тарцах будынку знаходзяцца трохмаршавыя лесвіцы. Вось сіметрыі падкрэсленая на галоўным фасадзе атыкам, на дваровым — рызалітам з трохвугольным франтонам. Вуглы фланкіраваныя плоскімі рызалітамі, у якіх зробленыя ўваходы, аформленыя прысценнымі порцікамі. Сцены аздобленыя на першым паверсе рустоўкай, на другім — каланадай. Гаспадарчыя пабудовы знаходзяцца ў паўнёва-ўсходняй частцы сядзібы.

Сучасны стан

У палацы Шырынаў зараз знаходзіцца музей культуры і побыту. Комплекс — помнік рэспубліканскага значэння.

Літаратура

Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
Кулагин А. Н. Германовичская усадьба // Белорусская ССР: Краткая энциклопедия. В 5-ти т. Т. 4 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1981. — Т. 4. — 712 с. — 50 000 экз. (руск.)